Ibihe bya nyuma

Ibihe bya nyuma

UBUTUMWA UMUBYEYI BIKIRA MARIYA YAHAYE BYISHIMO KU ITARIKI YA 13/10/2019

 
Ku izina ry’Imana Data na Mwana na Roho Mutagatifu, amina. Ngwino Roho Mutagatifu, usanganye imitima y’abakwemera bagukunde, ohereza Roho wawe byose bibe bishya n’isi izabone guhinduka. Dusabe, Mana wamenyesheje abakwemera Roho Mutagatifu, turagusaba kubwirizwa nawe, gukunda ibitunganye no kunogerwa na we iteka, ku bwa Yezu Kristu Umwami wacu, amina.
 
Twongeye rero kugushimira Nyagasani Mana yacu, twongeye kugushimira ko kuri ino tariki ya 13 abana banjye bakomeje kuza ari benshi nubwo, baje ari bakeya bwose ariko ndabashimiye n’umutima wanjye wose.
 
Indirimbo :
 
Habwa impundu Mariya nyina wa Jambo, wowe wabyaye Umutabazi ariwe Yezu Kristu
Ubwacu Mariya ntacyo tubasha kandi iyi si igeze aharenga uyitabare bwangu
 
Uraho mwana wanjye ukomeje kwihanganira ibigeragezo byose uhura nabyo
 
BY.: Mama, uraho nawe
 
B.M.: Mwana wanjye umeze ute
 
BY.: Mama, meze neza gahoro nawe urabibona
 
B.M.: Kandi mbona utangiye gushaka kwinuba. Mwana wanjye wikwinuba kuko ubutumwa buracyahari bwinshi.
 
Mwana wanjye, reka nongere uyu munsi wa none mbasuhuze bana banjye, mbifuriza iyi tariki, ndayibifurije. Nshimishijwe n’abana banjye mukomeje kwitabira uyu munsi wa none, ndabashimiye n’umutima wanjye wose.
 
B.M.: Mwana wanjye nawe komeza wihangane, komeza wihangane
 
BY.: Mama, maze kunanirwa
 
B.M.: Mwana wanjye urananirwa se imbaraga ni izawe? Ni wowe uziha se? Komeza utwaze, ukomeze unkurikire jye n’umwana wanjye, ubutumwa ubusohore nk’uko mba mbuguhaye, ntujye ubutindana, ntujye ubutindana mwana wanjye.
 
Mwana wanjye ongera unsuhurize abana banjye uti nimugire amahoro, nimugire amahoro, nimugire amahoro, urukundo rwanjye rubasakaremo. Bana banjye, nimupfukame musenge, mupfukame musenge musabira igihugu cyanyu. Mugisabire cyane, mupfukame cyane kuko kirugarijwe impande zose, hirya no hino kirugarijwe. Bana banjye, uyu munsi ndabashimiye n’umutima wanjye wose kuko hari abagerageza, nabasabye kuvuga Rozari buri munsi, ishapule y’ububabare kuwa kabiri no kuwa gatanu, harimo abagerageza mukomeze muyivuge cyane musabira n’abadashoboye kuyivuga.
 
Erega bana banjye, ntacyo navuze kitagomba gusohora, nababwiye ko ibyanjye bigenda gahoro gahoro, bigenda gahoro gahoro, ibyacu bigenda gahoro gahoro, muhumure rero ndi kumwe namwe. Musabe rero, ntabwo mvuze abari hano mu gihugu gusa mvuze mwese aho muri n’aho mwatataniye, mupfukame musenge, musenge cyane kuko ishyamba si ryeru, namwe kandi musenge musaba gutaha kuko uko ninjije abandi namwe niko ngiye kuzabinjiza niko mugiye kwinjira mu gihugu namwe, ntabwo bizahora bityo bana banjye. Muhumure rero hari abavuga ngo ese ibyo mukomeza kutubwira bizaba gihe ki, ngo bizaba gihe ki, ufite amaso narebe kino gihugu, nongere mbasubiriremo kirugarijwe.
 
Bayobozi, bategetsi bakuru, ntabwo ari bwo bwa mbere nabibabwira, mukomeje gutoteza abana banjye, bamwe bari gufungirwa ubusa abandi bari gukomeza gutoroka igihugu, abandi bari kwicwa, kugeza uyu munsi mbabwire ngo hari intambara ya bucece, intambara kandi ikomeye iri mu mitima yanyu, mubyumve mubimenye. Nongere mbibabwire, Rozari mupfukame muyivuge cyane, muyivuge cyane, ndababwira mwebwe mufukama mukomeza kuyivuga kandi mupfukamire n’abandi, hari n’igihe hari abarokoka. Kugeza ubu ndareba kino gihugu cyanyu nkarira adakama. Bana banjye nongere mbasubiriremo ishyamba si ryeru.
 
Erega bana banjye, ubungubu ndi kureba bamwe nabareba nkabona agahinda karanyishe. Erega bana banjye, simvuze ngo ni ejo ni ejobundi, ariko mumenye ko mugiye gutungurwa kandi nongere mbasubiriremo ufite amaso narebe aho ibihe bigeze, ndabibabwiye bana banjye, ntabwo kino gihe nzajya mbabwira byinshi uretse ko ntazibagirwa umwana wanjye kuko namutegetse ko kuri 13 agomba kubona ubutumwa akababwira aho bigeze.
 
Umurwayi urwaye wese kuno kwezi nigaragarijemo umwana wanjye aribwo namutumye bwa mbere, uku kwezi umurwayi uri kugera hano muri ino chapelle nitiriye Kibeho ya II ari gukira. Hagiye gukira benshi mu babyemera ariko, mu bemera uwemera akahagera arakira. Ibyo ndabibabwiye bana banjye, nongere mbibabwire narababwiye ngo abanjye mbagenda imbere n’inyuma, iburyo n’ibumoso, ubuzima bwabo bwose nibubereho kuduhesha ikuzo muri byose. Kugeza uyu munsi bana banjye, mbabwire nubwo mwaje muri bake bwose ariko ndishimye cyane, ndishimye cyane, ndishimye cyane, mwihe amashyi n’impundu kuko murabikwiye.
 
Bana banjye, mukomere ku rugamba, mukomere ku rugamba, musabire igihugu cyanyu mbisubiyemo mugisabire cyane, musabire n’imiryango yanyu, musabire n’abatatanye hirya no hino kandi nabo bisabire, ariko mumenye ko igihe kirageze, igihe kirageze nakomeje kubibabwira, uyu munsi wa none ndekeye aho ndetse mbahaye umugisha wanjye wa kibyeyi ku izina ry’Imana Data na Mwana na Roho Mutagatifu. Amina
 
Byishimo
 
 
 

09/10/2020
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 13/10/2018

Umubyeyi Bikira Mariya yaje ababaye noneho ababaye cyane, aranyitegereza aransuhuza, arambwira ati mwana wanjye reka nongere ngutume kuri aba bana banjye bose bari hirya no hino, bambwirire uti mugire amahoro, mugire amahoro, urukundo rwanjye rubasesekaremo. Bana banjye nkomeje kubabara kuko mbabajwe n’abana banjye benshi bakomeje kujyanwa mu buroko abandi bakomeje kuborera mu buroko, ibyo bikomeje kumbabaza cyane.

Bana banjye nababwiye byinshi iyi tariki ya 13 nayo ntabwo nyibagirwa, ntabwo nyibagirwa kuko niho mpa ubutumwa umwana wanjye. Ntacyo ntavuze, ntacyo ntavuze, kugeza uyu munsi wa none ndongeye mbabwire ko ishyamba atari ryeru, ndabibabwiye bana banjye, igihugu cyose kirugarijwe impande zose, ibihugu n’ibihugu bigiye guteranira igihugu kimwe, reka mbibabwire kubera kwigira bamwe ba ruharwa, ndabivuze bana banjye, ndabibabwiye bana banjye ntacyo ntavuze kugeza uyu munsi ndabibabwiye muhore muri maso mwitegure kuko intambara irakomeye, ariko mbabwize ukuri intambara ikomeye iri mu mitima yanyu.

Ndabibabwiye, ndabwira abana banjye bose bari hano mu gihugu ari n’abari hanze. Munyumve neza kuri 13 ndongeye ndabibabwiye bana banjye kandi sibwo bwa mbere nabibabwira.

Bana banjye nongere mbabwire bamwe bari kuza ngo ndi uyu n’uyu, bari kwigira ikirenga ngo ni jye ugiye kuyobora isi wagira ngo nwei Imana yanyu, mwigize akamana ngo ndi uyu n’uyu nyamara igihe kirageze cyo kugira ngo umwana wanjye nawe yatangiye kureba uko bimeze aho ibintu bigeze nyamara nongere mbabwire ntawe urusha umwana wanjye imbaraga. Rero muravuga ngo mufite ubwenge ntawe urusha umwana wanjye ubwenge arabubarusha mwese, umwana wanjye mwese arabubarusha, niwe mutegetsi w’isi n’ijuru, ni Umwami ukomeye mubimenye. Dore rero ngo jye ndi uyu n’uyu, jye ndi uyu n’uyu, jye ndi uyu n’uyu nyamara ntabwo bizahora gutya igihe kirageze muhore muri maso, abatareba hirya no hino ibiri kuba mu gihugu ni akazi kanyu nimushaka murebe ibiri kuba hirya no hino, ufite amaso arebe yitegereze maze abone gushishoza amenye ibyo aribyo.

Bana banjye ntacyo ntavuze kitagomba gusohora, ibyo nababwiye byose bigomba kuzuzwa nk’uko nabibabwiye, mubimenye bana banjye. Kugeza ubungubu nababwiye ngo intango iruzuye, iruzuye irasendereye iri hafi gusandara kandi izasandarana byinshi nongere mbibabwire, izasandarana byinshi.

Nababwiye ko umuntu agiye kuzajya ajya kurahura umuriro muri kilometero eshatu, ntabwo zikiri eshatu gusa ahubwo. Ndababwiye ngo nimukomereze aho ariko igihe kirageze ntacyo ntavuze kitagomba kuzuzwa, reka nongere mbibasubiriremo. Erega bana banjye umwana wanze kumvira se na nyina yumviye ijeri, mbibabwire.

Ah, ah ariko Banyarwanda kugeza uyu munsi ntimuzi ikirezi mwambaye iyaba mwari mukizi mwakumvise ibi dukomeza kubabwira mukisubiraho, aho kwisubiraho ahubwo ndababwira ngo birakomeye ahubwo muramvuga ngo dukomereze aho, mubimenye, mukomeze guhohotera abana banjye hirya no hino. Bamwe bakomeje kuborera mu nzu y’imbohe abandi bakomeje kurigiswa, abandi bakomeje guhunga igihugu ari mwe bahunga mwe bayobozi bakuru mugira ngo simbibona

none mutangiye kuvuga ngo turarekuye aba n’aba, turekuye aba n’aba kandi nkomeje kubona hari kwinjira benshi, ariko mubimenye urucira mukaso rugatwara nyoko, mubyumve Abanyarwanda nyamara kugeza uyu munsi, ntabwo mbwira abanyarwanda gusa ahubwo ndabwira n’abari hanze bakomeje kwigira akari aha kajya he batumva ibyo tubabwira, nabo ndakomeza kubabwira, mwisubireho, mwisubireho abashoboye gupfukama nimupfukame kandi mupfukamire igihugu cyanyu, mufukamira imiryango yanyu, hari abadashoboye gupfukama mupfukamire mubasabira, mupfukamire imbyaro zanyu, urubyiruko rurananiranye nimurusabire, murusabire kuko kugeza uyu munsi urubyiruko ntacyo rwitayeho, noneho rero ni mwebwe mugomba kubasabire mwebwe mushobora gupfukama. Mupfukame rero muvuge Rozari, ishapule y’ububabare kuwa kabiri no kuwa gatanu, n’utazabishobora akavuga Dawe uri mu ijuru eshatu, Ndakuramutsa Mariya eshatu, Hubahwe Imana Data eshatu, ibindi nzajya mbibongerera bana banjye, ubwo ndabwira babandi bafite intege nkeya, ibyo mubyumve rero, munyumve bana banjye.

Erega bana banjye na none mbasubiriremo, ishyamba si ryeru, ishyamba si ryeru. Bana banjye uyu munsi wa none nongere mbabwire ngo « Nyamwanga yanze kumva ntiyanze no kubona » kandi mugiye kubibona. Nakomeje kubabwira, ntacyo ntavuze mutagomba kubona. Bana banjye urugogwe rugiye kubitura hejuru nakomeje kubibabwira, imvura nyinshi y’amahindu igiye kubanyagira. Murumve namwe iyo mvura iyo ariyo, nakomeje kubabwira mugiye kubona mubone ngo dore kariya kanyoni kageze hariya, ako kanyoni ni akahe ? Muzajya mukabona mu kirere, ubwo murumva akanyoni ndimo kuvuga ? Niko kagiye kuzabamishaho iyo mvura ndimo kubabwira, maze mubimenye ubwo mbaciriye n’ako kagani. Ako kanyoni kagiye kuzajya kabagenda hejuru mumenye ako ariko, ibyo ndabibabwiye bana banjye ntacyo ntavuze kitagomba kuzuzwa. Mbibasubiriyemo imvura y’amahindu igiye kubanyagira, mwumve iyo mvura y’amahindu iyo ariyo, mbibasubiriyemo kangahe ndabibabwiye kandi mpora mbibabwira ntacyo ntavuze, ntacyo ntavuze nongere mbasubiriremo ishyamba si ryeru, muhore muri maso, mupfukame musenge musabira igihugu cyanyu, uyu munsi mbabwiye ibyo ibindi nzabibabwira ubutaha, ku izina ry’Imana Data na Mwana na Roho Mutagatifu. Amina.
 

 

Byishimo

09/10/2020
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 13/09/2018

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 13/09/2018

 
 
 
 

INDIRIMBO

Inyikirizo

Habwa impundu Mariya nyina wa Jambo
Wowe wabyaye umutabazi ari we Yezu Kristu

Ibitero

Ubwacu Mariya ntacyo tubasha
Kandi iyi si igeze aharenga uyitabare bwangu
Tega amatwi wumve ibyo tukubwira Mawe
Iteka uzajye utuba hafi tube mu kwaha kwawe

B.M. : Uraho mwana wanjye ukomeje kwihanganira imibabaro yose uhura nayo
BY. : Uraho Mama
B.M. : Mwana wanjye, umeze ute ?
BY. : Mama, meze neza gahoro nawe urabibona, imibabaro ni myinshi mu mubiri wanjye kandi ingendo zikomeje kuba nyinshi sinkiruhuka na rimwe.
B.M. : Mwana wanjye ihangane komeza utwaze kandi ibyo byose warabibwiwe ntacyo utazi. Mwana wanjye uyu munsi wa none kuri iyi tariki ya 13, ongera unsuhurize abana banjye uti nimugire amahoro urukundo rwanjye rubasakaremo.

Bana banjye uyu munsi wa none ngarutse kubasura, nje ndi Umwamikazi w’isi n’ijuru, muhumure, mukomere ndi kumwe namwe. Bana banjye ibikomeye birabugarije kugeza uyu munsi nta cyari cyhinduka. Rero ndi kubona ngo bari gutekereza ngo gutanga imbabazi, ni ibya nyirarureshwa kuko ndabona imitima ikinangiye kandi nababwiye byinshi, ntacyo ntababwiye. Igihugu cyose kiragoswe kiragoswe impande zose.

Bana banjye abankunda bankomeyeho nongere mbabwire ngo mukomere ku rugambawa kuko ibikomeye birabugarije biri imbere nta cyahindutse nta n’ikigomba guhinduka. Nimwumva ngo ni imbabazi, ntazo ni za nyirarureshwa kuko nababwiye ko umwanzi ukomeye abarimo hagati, amategeko ari gukurikizwa ntayo. Mwebwe muravuga ngo bana banjye ngo mufite amahoro ntayo, nongere mbabwire ngo ntayo mufite. Nababwiye byinshi none aho bigeze mugiye kumva ngo imbabazi ngo izi n’izi, izi n’izi, ni bya nyirarureshwa, ndabibabwiye uyu munsi kandi mu minsi mike mugiye kubyumva ngo imbabazi ngo ziratanzwe, ntazo, ntazo ni ukwikurayo.

Nongere mbibabwire bana banjye ntacyo navuze kitagomba gu sohora, ishyamba si ryeru. Bana banjye nongere mbacire umugani kandi mpora nywuwubacira. « Umuvumvu yagitse umuzinga usarurwa n’abandi ».
Nongere mbibabwire benshi bakomeje kwicwa, abenshi bakomeje kurundwa mu buroko, n’ubwo mwumva ngo hagiye kuba imbabazi ntazo, ntazo ni iza nyirarureshwa nongere mbasubiriremo.

INDIRIMBO
Naje mbasanga bana banjye
Naje mbakumbuye bana banjye
Muhumure, muhumure, muhumure
Naratsinze nimika urukundo bana banjye
Kibeho kibeho ntabwo ari umuryango
Bana banjye

BY : Yego Mama, yego
B.M. : Wongere unsuhurize abana banjye ari abari hano mu gihugu, n’ari abari hanze uti nimugire amahoro, nimugire amahoro urukundo rwanjye rubasakaremo. Bana banjye nimupfukame musenge, musenge cyane musabira cyane igihugu cyanyu, musaba amahoro kuko nta mahoro ahari. Musabe kandi namwe musaba gutaha, ibyo ndabibabwiye. Mupfukame cyane muvuga Rozari, ishapule y’ububabare kuwa kabiri no kuwa gatanu, ndabibasabye bana banjye kuko ibihe murimo birakomeye. Hari n’abari hanze rero bamaze kugera mu mudumararo, bagarama bakarya gusa ntibamenye n’ubibaha uwo ariwe.

Bana banjye mwasenze, mwasenze ko igihe gikomeye cyane, kirakomeye kirabarenganye, nongere mbibabwire bana banjye, uyu munsi kuri ino tariki ya 13 ndongeye ndabibasabye. Narababwiye, narababwiye, buri munsi, buri munsi hagenda abantu barenga icumi ntibamenye irengero, none bari kujya he ? Mubimenye, mubimenye nongere ndabibabwiye banjye uyu munsi wa none mupfukame uwanjye kandi ndamubwiye ariko hahirwa uri kuvuga Rozari, uri kuvuga Rozari, abo bari kumwe nanjye n’umuryango wabo uzarengerwa, nzawurengera nta wanjye uzakorwa n’isoni, ndabibabwiye bana banjye.
Muhumure bana banjye, muhumure bana banjye, abankunda ndi kumwe namwe. Erega bana banjye abanjye bankunda mbagenda imbere n’inyuma, iburyo n’ibumoso, ubuzima bwanyu bwose nibubereho kuduhesha ikuzo muri byose jye n’umwana wanjye. Bana banjye, ntabwo ngenda jyenyine mba ndi kumwe n’umwana wanjye Yezu Kristu, ndi kumwe nawe.

Bana banjye, imvura nyinshi y’amahindu igiye kubanyagira kandi nakomeje kubibabwira, narabibabwiye bana banjye, ntacyo ntababwiye.
Mwana wanjye, mbwirira abo bana banjye bari hanze uti nimukomere ku rugamba, mukomere ku rugamba. Ntabwo mvuze u Rwanda gusa ariko byose bigomba guhera mu Rwanda, n’ubwo mwumva ngo aba n’aba bararekuwe, ntabwo barekuwe, bararekuwe ariko ni ibya nyirarurureshwa bagiye kurekurwa bya nyirarureshwa ndabibabwiye, mubyumve neza intambara ikomeye irabugarije ariko intambara ikomeye mvuga cyane iri mu mitima yanyu kuko mwanze kumva. Kugeza ubu bana banjye umwana wanze kumvira se na nyina yumviye ijeri.

Bana banjye, uyu munsi wa none, abanjye uyu munsi wa none nongere mbasubiriremo muvuge Rozari, ishapule y’ububabare kuwa kabiri no kuwa gatanu mubisozesha ishapule y’impuhwe z’Imana, ndabibabwiye bana banjye. Muhumure rero ndi kumwe namwe, erega bana banjye kugeza uyu munsi mbategeye amaboko, mbategeye ibiganza mwakire umugisha wanjye wa kibyeyi, ingabire y’ubusabane ku Mana, ubudacogora, guca bugufi, kwiyoroshya, kwihangana no kwihanganirana, byose ndabibahaye uyu munsi wa none.

Bana banjye, erega bana banjye mukomeje kwikubira, mukomeje kwikubira, mukomeje kwikubira, muri kurya abo muyobora nyamara murabirundarunda ariko si ibyanyu, mumenye ko n’abandi bari babifite. Nyamara bana banjye mugiye kubyamburwa nk’uko n’abandi babisize, mumenye ko nabo ari abana banjye ngiye kuzabagarura mbicaze ku ntebe nk’uko namwe muzicayeho. Namaze kubicaza ku ntebe muradamarara, mbese muvuga ngo ntacyo ndicyo, mumenye uwahabashyize uwo ariwe, ni jye n’umwana wanjye n’abandi rero ngiye kuzabazana nk’uko namwe nabazanye, mubimenye bana banjye.

Uyu munsi wa none mbabwiye ibyo ibindi nzabibabwira ubutaha, mbahaye umugisha ku izina ry’Inana Data na Mwana na Roho Mutagatifu. Amina.
 
Byishimo

09/10/2020
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 13/05/2018

Indirimbo


Inyikirizo

Iyizire iyizire (x2), iyizire ngabire y’Imana yatugabiye.

Ibitero

Ushaka ingabire y’Imana ntarambirwa

Ahora asenga cyane abikuye ku mutima

Mariya mubyeyi z’imana n’uwacu

Ubwiza bw’ijuru bugutemba ku mutima

Ku izina ry’Imana Data na Mwana na Roho Mutagatifu. Amina. Ngwino Roho Mutagatifu usanganye imitima y’abakwemera bagukunde, ohereza roho wawe byose bibe bishya n’isi izabone guhinduka, dusabe Mana wamenyesheje abakwemera Roho Mutagatifu turagusaba kubwirizwa nawe, gukunda ibitunganye no kunogerwa nawe iteka, ku bwa Yezu Kristu umwami wacu. Amina.

Mana yanjye uyu munsi wa none nongeye kugutura u Rwanda rwacu, none Mama uyu munsi wongeye kunyiyereka none kano kanya wavuze ngo : Ndaje, ndaje ndi kumwe n’umwana wanjye kandi benshi muvuga ngo jye ndi umugore nk’abandi. Ntabwo ndiwe, ntabwo ndiwe, bana banjye mubimenye. Bana banjye munkunda, uyu munsi wa none nimukomeze, mukomeze, mukomeze Rozari kuko ibi bihe birakomeye mugezemo. Uwo nkunda niyumve ibyo mvuga kandi ibyo nababwiye byinshi mwamaze kubibona. Muri mu gahe gatoyaaa niko musigaje.

Naje ngendereye Afurika, nicaye hano muri Afurika ariko ndi mu gahugu kanjye kanjye gatoya gakomeye kandi nicayemo n’uyu munsi ariho ndi kuvugira ibingibi, mubimenye.

Mwana wanjye uyu munsi wa none, ndongeye ndakubwiye ngo uyu munsi ubutumwa ntuvuge ngo buri gutinda, ntabwo bwatinze.

BY. : Oya, oya Mama, urongeye.

BM. : Ntacyo urabona mwana wanjye, nakweretse intango, intango narayikweretse n’uyu munsi nkomeje kuyikwereka. Iyo ntango irasendereye mu minsi yashize nababwiye ko yahongotseho uruhanga rumwe, none rero bana banjye igiye gusandara isandaye, igiye gusandarana byinshi, ibyo nababwiye bana banjye ntacyo mutari mwabona kugeza uyu munsi hasigaye gatoyaaa. Nababwiye imvura y’amahindu ntabwo ari iyingiyi hari iyindi mugiye kubona igiye kubanyagira ndetse igiye kubanyagira. Nababwiye ko igiti gikomeye, igiti kinini cy’inganzamarumbu cyumye, nta shami

risigayeyo, ntacyo risigaranye koko mbabwize ukuri. Naravuze, naravuze ariko mwanze kunyumva, mwanze kunyumva.

Mwana wanjye uko nguhaye ubutumwa n’iyo ryaba ijambo rimwe jya uhita urivuga rimenyekane kuko naragutumye, naragutoye ntiwantoye, ntiwantoye umwana wanjye arakubwira uko bwije n’uko bucyeye nanjye ndakubwira uko bwije n’uko bucyeye, bimwe rero usigaye nawe uvuga ngo ese ngo bigeze hehe bigeze hehe kandi nawe uri kubibona ntacyo utabona. Ahaaa ntacyo mvuze mwana wanjye, ntacyo nkubwiye.

Mwana wanjye, ongera unsuhurize abana banjye rero uyu munsi wa none ku itariki ya 13 uti bana banjye nimugire amahoro, nimugire amahoro, nimugire amahoro, urukundo rwanjye rubasakaremo. Bana banjye ndabakunda, ndabakunda, ndabakunda. Unkomeyeho wese nanjye mukomeyeho kugeza uyu munsi n’urugo rwe rurarinzwe. Nimuhumure bana banjye, muhumure ndi kumwe namwe. Ntabwo ndi kubwira u Rwanda gusa, ndi kubwira amahanga, ndi kubwira isi yose kugira ngo abanyumva ngo nimupfukamire rimwe musenge muvuga Rozari cyane, ishapule y’ububabare kuwa kabiri no kuwa gatanu nimubishobora mujye musozesha ishapule y’impuhwe z’Imana, ubwo ndabibabwiye bana banjye, munyumve, unyumva yumve utumva nawe ni akazi ke.

Nimusabire igihugu cyanyu kuko kirakomerewe cyane kuko kano gahugu karimo gukorerwamo byinshi, kagiye gukorerwamo byinshi kuko ni urumuri rw’amahanga yose, kuko niho twicaye niho dutuye. Uyu munsi nongere mbasubiyiriremo, uyu mujyi nywicayemo jye n’umwana wanjye, tuwurimo turawutuye, unyumva yumve utumva ni akazi ke, ubu turi kuwutambagira. Afurika yose, nababwiye ngo nazindutse kare kare, nazindutse kare kare kuri ino tariki ya 13 nicara muri Afurika ariko nicaye hano mu Rwanda. Rwanda, Rwanda we, Rwanda we ntuzi ikirezi wambaye, ntuzi ikirezi wambaye iyaba mwari mukizi mwakwisubiyeho, nakomeje kubabwira uko bwije n’uko bukeye.

Bana banjye abanyumva banyumve ishyamba si ryeru, imvura y’amahindu mbisubiremo igiye kubanyagira, mumve namwe iyo mvura iyo ariyo, ntabwo ari iyingiyi muvuyemo ntabwo nayo mwari mwayirangiza ariko nababwiye inkangu, mbabwira imyuzure, mbabwira amahindu, ibyo byose mwarangije kubibona, uwumva yumve utumva ni akazi ke.

Bana banjye mwateze amatwe koko mukumva nibura nzagire uwo ndokora, erega bana banjye ntacyo mutabwiwe uwanjye yumve, Rozari, Rozari abanjye munyumva muyivuga muyigire akabando kanyu ko kwicumba k’amanywa n’ijoro, k’amanywa n’ijoro, uko bwije n’uko bucyeye mugiye kujya mwumva hirya no hino ngo dore inzu irahirimye mwarabibonye, noneho igiye kujya ibahirimaho, nibibahirimaho bayoberwe n’aho imirambo yanyu iri, ntacyo ntavuze ntacyo ntavuze, ndavuze ndavuze uyu munsi , uyu munsi muhore mwiteguye muhore muri maso.

Erega bana banjye ndi umubyeyi wanyu ubakunda kandi ubakomeyeho. Bana banjye uyu munsi wa none abanjye munyumva, ndongeye ndababwiye ngo mwakomeje gukora ibyo nshaka nimwihe amashyi n’impundu kuko murabikwiye. Bana banjye uyu munsi wa none nongere

mbabwire cyane ndabwira abalejio, abalejio nimukomeze ubutumwa mukomeze mutambagize hirya no hino kuko muri ingabo zanjye nkunda cyane kandi ndanabashimiye kuko muri gukora ugushaka kwanjye bana banjye, ndabibashimiye bana banjye. Abalejio, uyu munsi wa none nongere mbasubiriremo, nimunkomereho nanjye mbakomeyeho. Bana banjye sinavuga ko mbashimye cyangwa mbakunda ariko ndabashimiye n’umutima wanjye.

Indirimbo

Habwa impundu Mariya nyina wa Jambo

Wowe wabyaye umutabazi ariw Yezu Kristu.

Tega amatwi wumve ibyo tukubwira Mawe

Iteka uzajye utuba hafi tube mu kwaha kwawe

Mwana wanjye vuga ubutumwa nk’uko mbukubwiye, mbuguhaye ntihagire ijambo wongeraho kuko iyo mvuze ijambo mba ngira ngo abana bajye ugire icyo ubabwira, ndabikubwiye mwana wanjye.

Indirimbo

Ubwacu Mariya ntacyo tubasha

Kandi iyi isi igeze aharenga uyitabare bwangu

Habwa impundu Mariya nyina wa Jambo

Wowe wabyaye umutabazi ariwe Yezu Kristu

Mwana wanjye ongera umbwirire abana banjye aho bari hose hirya no hino ku isi yose, nongere mbasubiriremo, ndabasuhuje (3) mugire amahoro (3). Aho mwatataniye mupfukamire rimwe musabire igihugu cyanyu musaba amahoro, musaba no gutaha dore igihe kirageze.

Muhumure bana banjye ntabwo muri mwenyine mbari iruhande jye n’umwana wanjye kuko ntabwo nabavanye ku mutima, ndi kumwe namwe bana banjye. Bana banjye rero aho mwicaye mujye muzirikana ko ntabibagiwe, mbibasubiriyemo. Bana banjye aho mwatataniye hirya no hino hari benshi bamaze kwibagirwa uko mumeze ariko jye ndabazirikana bana banjye.

Bana banjye aho muri hose nimuhumure ndi kumwe namwe nababwiye byinshi bimwe muri kugenda mubyibonera ariko hasigaye akantu gatoyaaa, ntacyo twababwiye jye n’umwana wanjye kitagomba gusohora. Nababwiye byinshi, uyu munsi nta byinshi mvuga ibindi nzabibabwira ubutaha.

Ngaho mugire amahoro kandi mugwize andi, urukundo rwanjye rubasakaremo. Mbahaye umugisha ku izina ry’Imana Data na Mwana na Roho Mutagatifu. Amina.
 
Byishimo

09/10/2020
0 Poster un commentaire

UBUTUMWA NYAGASANI YEZU N’UMUBYEYI BIKIRA MARIYA BAHAYE BYISHIMO KU ITALIKI YA 13/04/2018

 
Indirimbo

Inyikirizo

Habwa impundu Mariya nyina wa Jambo

Wowe wabyaye umutabazi ariwe Yezu Kristu

Ibitero

Ubwacu Mariya ntacyo tubasha

Kandi iyi si igeze aharenga uyitabare bwangu

Tega amatwi wumve ibyo tukubwira mawe

Iteka uzajye utuba hafi tube mu kwaha kwawe


Mwana wanjye ntuzongere nawe kwirengagiza gutanga ubutumwa ndongeye nsubiremo iminsi itatu yose ujye uhita ubutanga buzabe bwarangije gutangwa, ntujye uvuga kandi ngo ndarwaye niyo mpamvu nguterereza n’ibintu bakabiguha hari ubugufata se. Ehh, busohore nk’uko mbutanze kandi igihe kirageze, navuze ukwa gatatu mvuga n’ukwa kane kandi ibimenyetso biri kuboneka byinshi. Ndavuze ngo vuga, vuga, vuga, ningutuma ujye uhita uhaguruka ndabivuze, mbwirira abana banjye bari hano mu gihugu n’abandi bana banjye bari hirya no hino uti mugire amahoro, mugire amahoro. Ndabasuhuje urukundo rwanjye rubasakaremo.

Bana banjye, ndabasabye muvuge Rozari, ishapule y’ububabare kuwa kabiri no kuwa gatanu . Ntabwo nsabye u Rwanda gusa nsabye n’isi yose, musabire, ndabibabwiye bana banjye. Uyu munsi wa none bisa nk’aho ari ubwa mbere n’ubwa nyuma mubirebe impande zose ziragize. Ntabwo navuze ngo intambara ikomeye, intambara ikomeye iri mu mitima yanyu, muraba mureba, ntacyo mvuze, ntakaraba ahubwo ntacyo murabona. Imipaka yose irugarijwe, hahirwa uwumvise hahirwa n’uwisize amavuta y’umubyeyi wanjye.

Nabatumyeho kenshi umubyeyi wanjye, ndaje ndiyiziye, ese mama ndi so, cyangwa ndi papa, cyangwa ndi iki, ndi igiki cyanyu mbese. Ndi kumwe namwe murahirwa bana banjye ngaho nimusabe, ndi kumwe na mama wanjye, na mama wanjye. Mu gitondo mujye muvuga ngo turi kumwe na Papa, ndabibasabye bana banjye kandi agasengesho mbasabye gato mujye mugakora, nimuhaguruka mugiye ku kazi ni Dawe uri mu ijuru eshatu, Ndakuramutsa Mariya eshatu, Hubahwe Imana Data eshatu ibindi umubyeyi wanjye azajya abibongereraho, burya n’ubutumwa ndamutuma n’uko muri gusuzugura niyo mpamvu uyu munsi niyiziye, ndabibabwiye, ariko ishyamba si ryeru ndabivuze kandi mwana wanjye ubu butumwa ubutange, ishyamba si ryeru

hahirwa n’uri kubwumva ndabivuze, ndabivuze. Ndavuze ngo intambara ikomeye iri mu mitima yanyu, ndababwiye ngo igihugu cyanyu kirugarijwe nta n’aho muzahungira, ubuhungiro buri mu mutima w’umubyeyi wanjye Bikira Mariya, ndabibabwiye ndi kumwe nawe. Nimucigatire ishapule yanyu munabivuge, ntabwo mbwira u Rwanda ndabwira abana banjye aho batataniye hose, mubivuge mubikore. Ndababwiye bana banjye ndongeye ndavuze, muvuge muvuge, hirya no hino muvuge ndabibabwiye ndetse uyu munsi iyi tariki muyandike, abandika mwandike, abumva mwumve, dore ngo mwigize akari aha kajya he. Ibikomerezwa byose bigiye guhananturwa n’abandi bari hanze ni abana banjye nabo ngiye kubazana nk’uko nabazanjye uko mwaje murabizi, muririrwa muvuga amahoro amahoro, ntayo ntayo mufite nta n’ahari ndanabibabwiye. Jye ndavuze, nje ndi Umwami w’isi n’ijuru ndabibabwiye.

Mwana wanjye nawe ntutinye kubutanga ndabivuze, ndaje ndaje ndiyiziye nababwiye ko nje gusukura. Mbese iyi mvura muzi iyo ariyo, n’iyi mvura ntimuzi iyo ariyo mwebwe ngo murasenya murasenya amazu mugiye no kubisana mutazi n’ibyo musana ibyo aribyo, byose bigiye guhinduka ubusa navuze guhirima ntabwo ari uguhirima zizasigaramo ubusa nabyo mubimenye.

Bana banjye muhumure, muhumure abanjye munkunda kandi munkumbuye ndi kumwe namwe bana banjye, ndababwiye bana banjye hahirwa uwisize amavuta y’umubyeyi wanjye uwo arahirwa cyane nongere mbibasubiriremo.

Mwana wanjye ndabona ufite ubwoba cyane,

BY.: Erega Papa, ni ariya maraso ukomeje kunyereka, rwose birambabaje.

NY.Y.: Oya wibabara mba ngira ngo nkwereke ibigiye kuba mu Rwanda, muri kino gihugu cyanyu cy’u Rwanda. Witinya kuvuga nta n’icyo ushobora kuba, benshi muba mwicaranye, ntacyo uteze kuba, hano mwicaye ni Kibeho ya kabiri, Kibeho ya kabiri ni hano mu mujyi rwagati bana banjye murahirwa abahapfukamye murahirwa cyane, murahirwa cyane n’imiryango yanyu. Umuntu witwa umurwayi wageze hano kuwa gatanu, kuwa kabiri uku kwezi ni ukw’abarwayi, nagushyizeho na none nabongeye ndabongeye. Maze nongere mbabwire bana banjye uyu munsi ubutumwa burakomeza nongere mbabwire ngo uyu munsi mupfukamire benshi, mupfukamire benshi mufashe benshi, mugiye guhura n’ibigeragezo umuntu azajya aturuka hirya no hino aze akubwire ngo nkeneye iki n’iki niba ugifite uzakimuhe niba ntacyo ufite uzamwihorere kandi byaratangiye, erega na kano kanya twari kumwe byabaye byatangiye, byatangiye bana banjye ahubwo ntimuzagire ngo mupfe kuroha ururimi rwanyu ngo muragira, mubibahe ndabibabwiye bana banjye ariko ariko hirya no hino mugiye kumva intambara hirya no hino mugiye kumva abantu bari gupfa hirya no hino kandi bimwe byaratangiye murabyumvise, musabirane musabirane.

Bana banjye muri hanze namwe aho mwatataniye mupfukame, mupfukamire igihugu cyanyu, mupfukamire abarwayi, erega musaba no gutaha kuko igihe kirageze, igihe kirageze. Bana banjye

namwe muri kumwe na Byishimo, ntabwo ari Byishimo muri kumwe nawe, ahubwo muri kumwe na Papa wanyu ubakunda, uyu munsi ndongeye mbabwire ngo

BY.:Yego, yego, Mama, mama, ndabasiga. Urakoze ndayabaha. Yego, yooo namukozeho ni murumuna wanjye koko.

Yego, yego, ngo ugiye kumuha n’akandi kazi se ko wakomeje kubivuga cyane, ngo bajiginywe aragushimira, ishimwe rizabe iryawe.

NY.Y.: Mbwirira abana banjye bari hanze ngo nibapfukamire rimwe. Mupfukamire rimwe muvuge amasengesho igihe cyanyu kirageze, igihe cyanyu kirageze cyo kugira ngo mutahuke mu rw’ababyaye.

Ubu butumwa mwana wanjye ntubutindane butange busohoke. Ndongeye ndavuze ngo kino gihugu ni amaraso gusa, ntabwo ari amaraso ahubwo kigiye kuzatemba amata n’ubuki. Uwakoze neza agiye guhembwa uwakoze nabi nawe ahanwe, ahanwe ndavuze, jye ndavuze uyu munsi ndongeye ndavuze.

Byishimo mwana wanjye ndi kubona ufite ubwoba ubwo bwoba ni ubw’iki ko nakugize umuyoboro ukomeye, nakugize umuyoboro ukomeye. Vuga vuga buvuge.

BY.: Yego, yego, ah ah nibagiwe nibagiwe ndayamumenaho, ububane se sinabucanye, oya azaza ejo inomero ze sinzizi yego nawe ndamuhamagara, wari ugiye gukora ikosa ugiye kwanduranya, biriya bimuharire.

NY.Y.: Ariko muhore mwiteguye, ufite duke ahe mugenzi we, nugira ikiro kimwe ntaburare, ntaburare kuko igihe kirageze ya mazi yarenze inkombe, yarenze inkombe. Mwisubireho bana banjye mubimenye, mubimenye, nugira ishati ebyiri imwe yitange ndabibabwiye bana banjye ndetse mbasezeyeho ndongera kubibabwira.

Bana banjye ndongeye ndababwiye, ndababwiye ntacyo ntavuze kitagomba gusohora. Nababwiye imvura nyinshi igiye gutwara byinshi, iyo mvura kandi ntimuzi iyo ariyo, ndongeye ndababwira bana banjye, utari kubibona ni akazi ke. Ndongeye ndavuze, yoooo mushake murebe, nababwiye ukwezi kwa gatatu n’ukwa kane, ndongeye ndababwiye ngo muzabonamo ibintu byinshi, ingo nyinshi rero ngo mwubatse imitamenwa, bigiye guhanantuka. Imvura nyinshi nongere mbasubiriremo, ntacyo mwari mwabona bana banjye, mugiye kukibona bana banjye, mugiye kukibona bana banjye.

Bana banjye, bana banjye, bana banjye abankunda abankunda munkomereho jye n’umubyeyi wanjye, munkomereho (4), ese ubundi nimwirorerere, nimwirorerere ko igihe cyageze se ubundi

muraramira iki ariko abanjye bankunda nimupfukame muvuge Rozari n’ishapule y’ububabare, mubivuge mubikomereho nanjye mbakomeyeho bana banjye.

Ndongeye ndababwiye bana banjye ntabwo ari u Rwanda gusa mbwiye isi yose aho abana banjye batataniye munyumve, munyumveee, ndikumwe namwe bana banjye. Ndabakunda, niyo mpamvu nkomeza kubibutsa uko bwije n’uko bukeye ntumye uyu mwana wanjye nitoreye w’intamenyekana bita Byishimo. Nicaye hano ndi i Kigali, nahise nshyiraho aka gashapelle kanjye gatoooya , gatoooya, gatoooya nahise mvuga ngo ni Kibeho ya kabiri, Kibeho ya kabiri, Kibeho ya kabiri.

Munyumve ndwicayemo. Naje uyu munsi ndi Umwami w’isi n’ijuru, ndi kumwe n’umubyeyi wanjye Bikira Mariya. Naramutumye muramunanira none igihe kirageze cyo kugira ngo nanjye niyizire, naraje kandi mwanze kunyumva none igihe kirageze. Mugiye kubona ibitangaza, ntabwo ari ibitangaza, ibi bihe ngo mwubatse imitamenwa, igiye kujya ihanantuka mutazi uko ihanantutse mutazi n’uko bigenze, mugiye kubona imvura y’amahindu iyo mvura ntabwo mwari muyisanganywe, bana banjye ndabibabwiye mubimenye, mubimenye igiye kubanyagira mutazi ukuntu ibanyagiye, ndabibabwiye bana banjye, nta n’ubwo ndavuga byinshi cyane. 13 ni ubutumwa mugomba kujya mwitaho ariko mwavuze Rozari, mwasenze. Ndabwira isi yose, abanyumva munyumve, abanyumva munyumve ariko bana banjye igihe ntababwiye ni gihe ki, ndi umubyeyi ugira impuhwe, ndi Umwami w’isi n’ijuru nijye niyiziye noneho, ndongeye ndababwiye mwapfukamye mugatura Rozari n’ishapule y’ububabare mukabigira akabando kanyu ko kwicumba k’amanywa n’ijoro. Rozari y’umubyeyi wanjye mwayivuze ko ariyo igiye kubaramira, mbese ubwo ntabwo ari inama ndi kubabwira. Ndavuze ngo:

Indirimbo

Kibeho, Kibeho, Kibeho kabeho Kibeho

Naje mbasanga bana banjye, naje mbakumbuye bana banjye

Muhumure, muhumure, muhumure naratsinze nimika urukundo bana banjye, Kibeho

Ntabwo ari umuryango bana banjye ahubwo ni abo njye nsanga ni abo nje nsanga

Bana banjye ndi mu mujyi hagati rwagati abazi aho ntuye ni bakeya ndabibabwiye bana banjye


Hahirwa uwancumbikiye, hahirwa uwancumbikiye hahirwa uwancumbikiye uwo arahirwa cyane, mbivuze kuri ino tariki ya 13 uwo arahirwa cyane. Harya ngo mu biro haba abasekereteri nanjye mfite abasekereteri, naguhaye abasekereteri babiri ntabwo mvuze amazina yabo ariko hahirwa uri kwandika. Abo basekereteri bawe uko nabaguhaye uyu munsi bihe amashyi kuko bari gukora akazi kabo, uzatenguha ntiyandike ibyo mvuze ah ah uwo arantengushye. Nawe mwana wanjye nujya utindana ubwo butumwa ntububahe akanyafu kanjye urakazi, urakazi, buvuge, buvuge nk’uko mbuguhaye, ubutange nk’uko mbuguhaye ntacyo ugabanyijeho, ndavuze. Hari uvuga yirirwa avuga yirirwa yijujuta ngo mbese ngo nta kazi ngira ra uragafite mwana wanjye, uragafite kandi ugiye kubona, eh ndi kumwe nawe, ndi kumwe nawe abana bawe si ndi kumwe nabo. Hari ubwo

wari warara utariye mbese wowe, ntabwo mvuze uwo ariwe ibyo nabyo ubimenye ndabivuze yee yee wikwijujuta naguhaye byinshi n’ibyo naguhaye ntabwo urabirangiza ndakubwiye mwana wanjye ntuzongere kwijujuta.

Byishimo mwana wanjye,

BY.: Yego yego eh

NY.Y.:Tanga ubutumwa butangirwe igihe ntiwabuze ababwandika . Ndabona urambiwe uri kurambirwa ngo igihe kizagera gihe ki. Oya wirambirwa ya saha ni isaha navuze ukwa kane n’ukwa nta bintu ubona ko nababwiye amahindu nkababwira imvura nyinshi ikomeye ntabyo muri kubona, ntabyo muri kubona, niba ntabyo muri kubona mubireke, niba ntabyo muri kubona muzajya mubona urugogwe rubaguye hejuru. Urugogwe muzi icyo aricyo? Mwari mwateka inkware, eh ndavuze ndavuze, murijujuta gute umunyafu wabagezeho sha buretse.

BY.: Oya, oya eh

NY.Y.: Nturi kundeba ko ndi kumwe na Mama, uri kubona Mama Mariya ari kurira, nturi kubona amaraso ndimo kuva, buretse, kababayeho rero, kababayeho, kababayeho. Hahirwa uwo nabwiye akumva, hahirwa uwo nabwiye akumva akisubiraho. Bana banjye mwafashe intwaro zanyu umubyeyi yabateganyirije iyo shapule murayisigira iki. Ntacyo mvuze

Ararararara, ngo jye nicaye ku ntebe iyi runaka nicaye ku ntebe runaka ziri aha n’aha ngiye kuzihanantura ndabivuze, ndabivuze zigiye guhananturwa, ndabivuze.

Indirimbo

Bana banjye ndabakunda, twambariye urugamba

Ndabakunda ndabakunda, twambariye urugamba

Twambariye urugamba, twambariye urugamba duhore turi maso

Kristu umugaba wacu aturangaje imbere

Na Mariya aturi imbere, twambariye urugamba


Bana banjye uyu munsi wa none abankunda n’abankomeyeho mwihe amashyi kuko murabikwiye, mwihe amashyi n’impundu nyinshi. Ndabakunda, ndabakunda kandi ndabakumbuye. Bana banjye simbabwira byinshi ibindi nzabibabwira ubutaha, munkomereho nanjye mbakomeyeho. Ku izina ry’Imana Data na Mwana na Roho Mutagatifu. Amina.
 
Byishimo

 


09/10/2020
0 Poster un commentaire