Ibihe bya nyuma

Ibihe bya nyuma

janvier 2018


UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 22/01/2018

 
Hubahwe Imana Data na Mwana na Roho Mutagatifu, nk’uko bisanzwe iteka

Bubahwe n’ubu n’iteka ryose. Amina.

Ngwino Roho Mutagatifu,

Usanganye imitima y’abakwemera bagukunda

Ohereza Roho wawe, byose bibe bishya n’isi izabone guhinduka

Dusabe, Mana wamenyesheje abakwemera Roho Mutagatifu

Turagusaba kubwirizwa na we, gukunda ibitunganye no kunogerwa nawe iteka,

Ku bwa Yezu Kristu Umwami wacu. Amina.

Isengesho ryo kwicuza ibyaha:

Nyagasani ibyaha nakugiriye byose ndabyanze kuko binteranya nawe

Bikadutandukanya ari wowe untunze ukandengera iteka

Kandi ndabyangira ko byicishije Yezu Kristu umwana wawe ukunda

Dawe ubinkize, sinshaka kubisubira, ndashaka kuba uwawe. Amina.

BY.: Nyagasani Yezu, mubyeyi Bikira Mariya ndi uwawe. Ndi uwawe, ndi uwawe, ndi uwawe ungenze uko ushaka. Ndi uwawe, ndi uwawe..

B.M.: Mwana wanjye, uraho mwana wanjye ukomeje kwihanganira ibigeragezo byose uhura nabyo n’imibabaro yose uhura nayo.

BY.: Uraho Mama,

B.M.: Mwana wanjye umeze ute?

BY.: Mama, meze neza gahoro nawe urabibona.

B.M.: Mwana wanjye, ko mbona ufite agahinda kenshi

BY.: Mama, ndagafite, indwara ni nyinshi, imibabaro mwanteye ni myinshi mu mubiri wanjye. Ubu sinkiruhuka na rimwe, ibintu mukomeje kunyereka ni byinshi cyane kandi bintera ubwoba. Byinshi ntinya kubivuga ariko kubera ububasha bwanyu ndabivuga, ariko mbivuga mfite ubwoba.

B.M.: Mwana wanjye, narakubwiye ngo ntukagire ubwoba kandi ibyinshi narabikweretse, ubwo narangije rero kubikwereka ntugire ubwoba kuko mba ngira ngo byose ujye umenya uko ibintu bimeze n’aho ibintu bigeze. Ibyo byose narabikubwiye mwana wanjye, ntacyo utazi. Ntujye uvuga ngo urarwaye, ngo nirukiye kwa muganga, muganga ni umwana wanjye ntawundi. Ndabikubwiye mwana wanjye.

Ariko mwana wanjye nakubwiye ko aho uri n’abo muri kumwe mba ndikumwe nabo. Ese wari wageza he ra?

BY.: Yego,

B.M. : Sinakubwiye ngo naguhaye umusekereteri mwitiranwa, utanazi kandi uranamuzi, narakubwiye ngo ndamugaruye kandi ngiye kumuha akazi gakomeye kandi navuze ko n’urugo rwe rwose ngiye kurugarura, ndarugaruye, ndarugaruye. Kandi uwo nawe ajye yimenya, ariyizi, niba atiyizi ni akazi ke. Naravuze ngo ninjya mpamagara ajye yitaba ngo “Karame Mama”, “Karame Mama”, yitabe, yitabe. Namuhaye urumuri rumumurikira n’umuryango we. Atezwe kenshi, atezwe kenshi n’uyu munsi ntaba agihumeka, ndanabivuze kano kanya.

Mwana wanjye, mwana wanjye ndakubwiye, wikwinuba, wikwinuba kuko amazi ageze kure , ageze aho kurenga inkombe, ndabivuze. Mwana wanjye, umbwirire uwo mwana wanjye, ngo namwise sekereteri, ntabwo ari sekereteri ahubwo ni uwikirenga. Namugize sekereteri nyawe, ngiye kumushimisha kandi. Ntabwo yari yishima ahubwo ndabona akijunditse ariko ntazabe rujindiri, rujindiri rurya ntiruhage. Ntazabe we, ba rujindiri barahari, ubwo bahari rero ni uko.

Hari umwana wanjye witwa ntangiriyeho, ugufasha cyane ndetse nongere mbisubiremo, uti witwa Ntwali, uri Ntwali koko nabyo ndabivuze. Ariko ntawe urizi iryo zina, urizi ni jyewe, uti komereza aho, uti kandi igihe kirageze. Ariko ujye ubabwira mwana wanjye, hari akaririmbo nakwigishije, narakakwigishije kandi, ngo:

Abana ba Mariya nimuze dutetere umubyeyi udukunda,

Ubuvugizi bwe ni nk’isumo ivumera ahora adutakambira.

Refr.: Uri umubyeyi wa Jambo ukaba n’umuziranenge

Komeza uhakirwe abakwiyambaza bagutakira, Mariya

Tuzataramana nawe Mariya aho uganje mu ijuru, Mariya

Uzakenyera uduhobere weee, n’imbaga ntagatifu yo mu ijuru (2)

Nubona ugiye kugwa mu cyaha wiyambaze umubyeyi ugukunda

Ubuvugizi bwe ni nk’isumo ivumera ahora adutakambira.

BY.: Yego, uramuhobeye se!

B.M.: Bana banjye rero nguko uko mbahobera, ubu mpobeye abana banjye bose bankunda.
Bana banjye, uyu munsi wa none nongeye kubasuhuza, mugire amahoro, mugire amahoro, mugire amahoro, urukundo rwanjye rubasakaremo. Bana banjye uyu munsi wa none nongeye ndababwiye, ngo ndababaye. Mbabajwe n’uko ibyo nkomeje kubabwira mutabyumva, ntabwo mubyitayeho, igihe kirageze, nakomeje kubaburira kenshi. Nakomeje kubabwira kenshi bana banjye: Rozari, Rozari, Rozari n’ishapule y’ububabare mubigire akabando kanyu ko kwicumba k’amanywa n’ijoro, k’amanywa n’ijoro. Uyizi kandi bana banjye, uyizi kandi bana banjye nayigishe n’udashobora kuyimenya kuko icyo gihe azaba arokoye roho ye, azaba arokoye roho ye.

Bana banjye, ndabibabwiye bana banjye, mugeze mu gihe gikomeye, muri mu mazi abira, muri mu mazi abira, rero ngo mugiye gutangira, mumenye ko uku kwezi mugiye gutangira kwa kabiri, kwa kabiri, ukwa gatatu, ukwa kane harimo ibintu bikomeye, ibintu bikomeye. Muzajya mujya kumva ngo dore ngo uyu n’uyu aragiye, uyu n’uyu aragiye, uyu n’uyu aragiye, ibyo ntimuzabimbaze nababwiye kenshi, muramenye ndikubabwira ibya mbere na nyuma, murabimenye bana banjye, ndabivuze. Uwahaze ntakibuka ushonje, ushonje nawe aravuga ati uriya arahaze, uriya arahaze kandi icyo ntimukimenya. Mwambabariye bana banjye ufite akantu gatoya, wagira ikirayi kimwe cyangwa bibiri cyangwa bitatu, ugaha utagifite. Mwabikoze kuko igihe kirageze cyo kugira ngo na wawundi uvuga ngo afite byinshi, witwa ngo afite byinshi nawe ntazabirya, ntabwo azabirya igihe kirageze, cyarageze ndikubabwira ubwa mbere n’ubwa nyuma, ntabwo ndi kubabwira kenshi nta n’ubwo ndi kubabwira ibidahari, birahari. Nimwikubire ntabwo ari ibyanyu, mukomeze muhagarike ibyo ngo ni ibitamenwa byanyu, imitamenwa, ntabwo ari iyanyu, ntabwo ari iyanyu, n’abari babifite ni abana banjye, nongeye kubabwira mbisuyemo inshuro eshatu cyangwa enye mubimenye. Ndongeye ndabibabwiye mubimenye.

Bana banjye munkunda, munkunda ndababwiye intashyo yanyu nongere mbasubiriremo bana banjye munkunda: Abamariyari, abalegio, abalegio, abakarisimatike ndetse n’indi miryango ndababwiye ngo intashyo yanyu mbatahije kano kanya nongeye kubatashya: Rozari, Rozari, ishapule y’ububabare ariko Rozari mukomeze muyigire akabando kanyu ko kwicumba k’amanywa n’ijoro kuko ariyo izabatsindira shitani, irabugarije. Bana banjye ba kino gihugu cy’u Rwanda kuko kano gahugu nihitiyemo cyane kandi niko kagomba kubanza gusukurwa ubwa mbere, kandi katangiye gusukurwa. Hari kwibirwamo, hari gukorerwamo, hari kwirirwamo ibintu bikomeye cyane, amanyanga.

BY.: Yego, yego, nawe urabizi Mama. Yego, yego,

B.M.: Ibyo byose ntabyo ntari kubona. Murabeshya ngo murasenga, ntabwo musenga. Ngo murasenga, ntabwo musenga ariko narimvuze ndagabanyije ngo amanyanga ngo iki. None se ngo mwaravuze ngo murarobanura, murarobanura. Mbese jyewe nitwa nde? Ngo Bikira Mariya ni umuki? Umwe ngo ndi umutusi, undi ngo ndi umuhutu undi ngo ndi umutwa. Jye se ndi iki?

BY.: Mama, wowe uri iki koko? Jye ndibonera uri nk’umututsikazi.

B.M.: Oya, ndi imberabyombi, ndi imberabyombi, hose ndahari ariko nta bwoko nshaka. Ntabwo, ntabwo. Aka gahugu ni akanjye n’umwana wanjye, ntacyo turi cyo twebwe, ntacyo turicyo. Ndashaka ko mwese muba bamwe, ndanabibabwiye bana banjye.

Bana banjye, muhore mwiteguye bana banjye, ari abo hanze ari abatataniye hirya no hino ku isi yose, ari abarimo aha mu gihugu, mupfukamire rimwe mbivugiye ku mugaragaro ko igihugu cyanyu kigiye kugwirwa n’ishyano. Ntabwo mvuze umunsi, ntabwo mvuze igihe. Nongere mbasubiriremo, ano mezi mugezemo arakomeye, biranakomeye cyane ntabwo byoroshye. Bamwe muri kuryanirana inzara, muri gupfa aka n’aka, akazi aka n’aka, runaka uyu, umuntu ari kubona arakandagira uyu n’uyu, ngo bite ngo nkurusha iki n’iki. Oya, simbishaka, simbishaka mu gihugu cyanjye. Niho nicaye, u Rwanda ndwicayemo ndi mu mujyi rwagati n’ubu niho ndi kuvugira, ndi kuvuga, navuze, navuze, ndi gusa n’uri kuvuga n’ibya mbere n’ibya nyuma.

Indirimbo:

Naje mbasanga bana banjye, naje mbakumbuye bana banjye

Muhumure, muhumure naratsinze nimika urukundo bana banjye.

Kibeho, Kibeho, ntabwo ari umuryango bana banjye ahubwo ni abo nje nsanga bana banjye,

Muhumure, muhumure, muhumure naratsinze nimika urukundo bana banjye.

Kibeho, Kibeho, Kibeho.

Aka ni agashapeli nihitiyemo, ntabwo ari agashapeli ahubwo nayigize Kibeho ya kabiri. Iyi ni Kibeho ya kabiri.

Ndongeye ndababwiye bana banjye, ntabwo uyu mwana wanjye imbaraga afite ntabwo ari ize, naravuze ngo, naravuze, namuhahe igitinyiro ntabwo atinya. Arababwiye ntabwo avuga, nta n’ubwo ari we uvuga, ni jyewe uri kwivugira ubwanjye. Naravuze yitwa Byishimo, ngo yitwa Byishimo, ahubwo namuhaye imbaraga za Byishimo, iryo zina nararimuhaye ni jyewe warimuteruye, yitwa Byishimo.

BY.: Oya, oya Mama. Oya, oya nitwa Byishimo kandi mbabaye?

B.M.: Oya, oya, oya utindana ubutumwa bwanjye naho ubundi…

BY.: Yego, yego. Oya, oya ntabwo nzongera, ntabwo nzongera.

B.M.: Hari hashize iminsi ingahe? Niwo munyafu wakubiswe umaze iminsi ukubiswe. Narakubwiye ngo ntibukamare iminsi ibiri cyangwa itatu ariko ntabwo wumva, ntabwo wumva.

BY.: Mbabarira, mbabarira ntabwo nzongera.

B.M.: Nsigaye ngutuma ugaca ubutumwa bwanjye mo kabiri, ugatinya, ugatinya, witinya, buvuge nk’uko mbutanze maze bugere ku bana banjye babwumve. Mbwirira abana banjye bose, uti abankunda, abankunda, abankunda mwese kandi munkomeyeho cyane, abakomeye muri Rozari, cyane Abalegio ngo nimwongere mwihe amashyi n’impundu kuko murabikwiye. Abamariyari, namwe muri gucikamo kabiri ntabwo mugikora nk’uko nababwiye, ubutumwa ntabwo mukibukora nk’uko mubikwiye, mwese uyu munsi mwikubite akanyafu.

Ariko bana banjye, uyu munsi wa none nje kubasura mbakunze kandi mbakumbuye. Ndikububasubiriramo ngo musubire mubyo mutakoze, mu masezerano mutakoze, ibyo byose mubisubiremo maze mwibuke n’ahantu nabavanye, n’ahantu nabavanye. Bamwe ngo ndi uyu n’uyu, ndi uyu n’uyu. Ntabwo ndi uyu n’uyu, ntabwo ndi uyu n’uyu, ntabwo ndi uyu n’uyu. Ndongeye ndababwiye bana banjye, oya, ubwo mutangiye, iyo mutangiye ngo jye ndi umukarisimatike, iyo utangiye ngo ndi umulegio, iyo utangiye ngo ndi.., eh eh eh ntabwo mbishaka, ntabwo mbishaka, nshaka ko mwese muba abanjye koko. Bana banjye, ntimugire ubwoba ariko turi kumwe, ishyamba si ryeru, ishyamba si ryeru mwitegure dore mutangiye ukwezi, mugiye gutangira ukwezi kwa kabiri, ukwa gatatu, mugeze no mu bihe bikomeye.

BY.: Ariko Mama kuki wampagaritse? Oya hari impamvu.

B.M. : oya hari impamvu, ko ngiye kukujyana ngo ujye guhagarara i Nyaruguru, uvugire mu burengerazuba n’ubundi ahantu hakomeye cyane ujye kuhavugira n’ubundi, kandi uragiye. Uzongere wibeshye ngo urongeye uciyemo ubutumwa kabiri. Ndi kukuvugisha mu gashapeli kanjye, muri Kibeho yanjye ya kabiri nishyiriyeho i Kigali mu mujyi ukomeye, mu murwa ukomeye. Hano hubahwe nk’uko hagombaga kubahwa. Hagomba kubahwa kuko hano harakomeye cyane ibaze aho nicaye, hano ndahicaye, ndahicaye, hahirwa uwahageze, hahirwa n’uwazanye ururabo, hahirwa uwahisigiye amavuta, uwo arahirwa cyane. Ibyo ndabikubwiye mwana wanjye ubibabwire, ubu butumwa uzabwumva wese kandi ntutinye kubutanga. Ndabwira abana banjye hirya no hino, ngo hari uwo bureba n’uwo butareba, uyu munsi igihugu cyanyu kiragoswe, impande zose ziragoswe, nta mahungiro, nta buhungiro mufite impande zose ziragoswe, ziragoswe, muzakizwa na Rozari, na Rozari, na Rozari. Mupfukame muyivuge musenge cyane musabira igihugu cyanyu, musabira isi amahoro, cyane musabira u Rwanda rwanyu amahoro kuko impande zose ruragoswe.

Urugogwe rugiye kubikubita hejuru, nakomeje kubibabwira. Ntuzi ibyo aribyo, urwo rugogwe ntabwo muzi urwo arirwo. Ese mwari muzi umutego utega inkware uwo ariwo bana banjye, muzi urwo rugogwe ukuntu rwiyubika, uko rwiyubika niko namwe rugiye kubiyubikaho mubimenye, mubimenye.

Indirimbo

Mubyeyi uturutira abanndi Bikira Mariya, ujye uduhoza ku mutima

Amagambo yo kukubwira uyamenya tutanayavuze, Mwamikazi jya uyazirikana

Nyamara hirya y’ubu buzima,

BY. : Mama ko uri kumbabaza cyane. Hari umwana wawe ngo urwaye indwara ikomeye ugiye kwikiriza. None mbigenze nte, yego, nzajyayo.

B.M. : Ngiye kukohereza mwana wanjye, uretse n’ibyo ngiye kukohereza ahantu niwongera kwibeshya nturangize ubutumwa ngutumye n’ubuzima bwawe buzaba buri kugenda bugabanuka.

BY. : Sinagusabye se imbabazi.

B.M. : Uzongere

BY. : Ntabwo nzongera. Yego, yego, eh eh eh ndihebye. None se uzakomeza umbwire ngo, murambwira ngo buri munsi ngo ngeze mu byishimo, kugera mu byishimo ni imibabaro. Nagera mu byishimo ngo, nzishima gihe ki?

B.M.: Mwana wanjye, wimbaza cyane, nakubwiye ko ibyishimo byawe uzabibona. Ese ubu ntabwo wishimye se. Uragira ngo ngire nte? Mwana wanjye aho ugeze hari abakureba bagahekenya amenyo, hari ukureba akumva yamera nkawe, hari ukureba akumva atakuva iruhande, hari icyo ubuze se? Ubushize narakubwiye ngo ntiwambaye se, nturya se, hari icyo wamburanye se, ariko ntabwo wemera.

Urongeye? Mwana wanjye nongere ngusubiriremo. Naguhaye imfashanyo, imfashanyo naguhaye, naguhaye abagufasha kugira ngo ubone icyo urya, ubone icyo wambara kandi ntacyo wamburanye.

Uramenye ahubwo ntuzongere kuvuga iryo jambo, ntuzongere no kuvuga ngo ndarya iki, cyangwa ndambara iki, cyangwa ndanywa iki?. Ahubwo ndakwinginze mwana wanjye noneho ngiye kugusaba imbabazi nanjye. Sabira imfubyi, abapfakazi, urubyiruko, abatagira kivurira maze abo bose ubasabire urebe ko, isengesho ryawe kandi iyo urivuze rigera ku bantu benshi, ibyo byose ndabikubwiye mwana wanjye.

Uwo mwana wanjye nakubwiye ko, ntabwo navuze ngo namuguhitiyemo, namugize sekereteri wanjye, kuva na hahandi wari imbohe yari sekereteri wanjye kandi navuze ko ngiye kumushimisha n’uyu munsi kandi niko bimeze, nabivuze, nabivuze ariko bimwe namusezeranye namubwiye, namusezeranyije ntabyo yakoze nta n’ibyo akora ahubwo aribagirwa. Uzi ko aba yarataye n’ubuzima. Hari indwara yarwaye, buri munsi ngo ngiye kwa muganga, buri munsi ngo ngiye kwa muganga, buri munsi ngo ngiye kwa muganga ntamenye n’ibyo arwaye ibyo aribyo bimwe. Bimwe ngo rubagimpande, ibindi ngo ni ibiki, izindi ngo ni izindi ndwara reka da, ntamenye ko ari jyewe uba uri kumukanda ndikumwibutsa ntamenye ibyo aribyo, ariko uyu munsi ndabimubwiye, ndabimubwiye anabimenye kandi yitegure ngiye kumushimisha, ngiye kumushimisha, ntabwo mvuze uko nzamushimisha, ntabyo mvuze.

Ayiweee, noneho ndavuze ngo Kigali, Kigali we, Kigali we. Ndareba Kigali nkarira adakama. Ndareba umujyi wa Kigali, rero ngo ni umujyi ra, ntawo. Muravuga ngo murishimye, ntabwo mwishimye. Muravuga ngo murankunda, ntabwo munkunda. Iyaba munkunda mwapfukamiye rimwe, mugapfukamira rimwe mugasabira uyu mujyi wanyu. Bayobozi bategetsi bakuru, bayobozi bategetsi bakuru nakomeje kubabwira, noneho bamwe musigaye muvuga ngo mbese Bikira Mariya ngo ariko ari hehe, ngo Bikira Mariya ari hehe. Ndahari jye n’umwana wanjye tuwicayemo umujyi wose, tuwurimo, turi kuwutambagira, turi kuwutambagira kandi ugiye kwisukurirwa, tugiye kuwisukurira munabimenye, turahicaye. Rwanda we, Rwanda we, agahugu kanjye, agahugu kanjye jye n’umwana wanjye tukicayemo. Harya reka, ariko mwana wanjye reka nkwigishe aka akaririmbo, hari ndirimbo.

BY.: Ntabwo nyizi

Igihe kizagera Nyagasani unkize aya makuba

Ntegereje ijambo ryawe ngo nture mu mahoro

Mutabazi mwiza ndagusabye unkize imibabaro n’agahinda

Maze mbe hafi yawe maze nzagushime.

B.M.: Bana banjye, igihe kirageze kugira ngo mwishime abankunda ariko jye n’umwana wanjye. Abankunda mugiye kwishima, abankunda mugiye kwishima, abankunda mugiye kwishima kandi igihe kirageze kugira ngo, harya ngo urukwavu rukuru, eh ngo urukwavu …. ni umugani mujya muca rero, ntacyo mvuze ndekeye n’ahongaho.

Eh, eh, eh, ndavuze kandi ako kantu ngo “Nyamwanga kumva ntiyanze no kubona, ntiyanze no kubona”.

BY.: None bisobanura ngo iki Mama? Ngo umwana wanze kumvira se na nyina ngo yumvira ijeri.

Ko ndushye, wambabariye, oya

B.M.: Ngo umuvumvu yagitse umuzinga usarurwa n’abandi, si nabwo bwa mbere nabibabwira, ariko izo nzuki zigiye kubarya zizava he ra!

BY.: Umuvumvu, umuvumvu, yego, yagitse umuzinga usarurwa n’abandi. Ko nzi ko umutiba se ubamo inzuki.

B.M.: Oya, ntabwo aribyo mvuze. Harya ngo mfite inzu jyewe nini, mfite igorofa, ngo uriya afite ka nyakatsi ngo ndagahirika jyewe nongere nubakemo akanjye. Ni akawe se, iyo gorofa se ni iyawe ni wowe ugiye kuyitura ? Byose ugiye kubibura ubibona, urabibuze, urabibuze, ariko bana banjye, mwahaye n’abandi ra.

Ndabazanye, ndabazanye n’abandi, n’abandi bari nkamwe. Ndabazanye igihe kirageze, igihe kirageze nta n’ubahagarara imbere ndetse nta n’ubahagarara imbere, ntawe uzabahagarara imbere ndanabibabwiye ni jyewe uzaba uri imbere yabo jye n’umwana wanjye. Ndabibabwiye bana banjye, mubyumve mubyumve, mvugiye ku mugaragaro iyi tariki ndayivuze, mbivugiye kuri ino tariki, ndanabibabwiye ino tariki muyandike, ntacyo ntavuze, ntacyo ntavuze nta n’icyo ntababwiye.

Indirimbo :

Umwamikazi Bikira Mariya uri mu ijuru ku Mana Data

Bikira Mariya mumukunde mumwiyambaze azabaha byose

Bikira Mariya waratowe utubyarira umucunguzi Yezu

Bikira Mariya uri mu ijuru ku Mana Data.

BY.: Mama, Mama urigendeye.
Mama, yego, yego. Mbwirira abana banjye bose, bose aho bari hirya no hino aho batataniye, ari abari muri kino gihugu, ari abari hirya no hino aho batataniye, uti mbifurije amahoro, mbifurije gushyikirana na njye n’umwana wanjye mu bihe bishya, mu Rwanda rushya mushyikiranwa muri kumwe n’umwana wanjye Yezu Kristu. Ndabibifurije bana banjye, kandi ntabwo mvuze, nzagaruka ndi kuvuga ijambo rya mbere ariko ndakubwiye mwana wanjye ihute ihute, n’uwitwa ngo agutera inkunga agize gute, iryo jambo mvuze ngiye kurivugira n’ahandi ariko ndavugira mu mujyi wa Kigali cyane, ndi kuvuga uyu mujyi wa Kigali, mwirirwa mwirata ngo dufite amahoro, mufite amahoro, ntayo ntayo, ntayo ahari, ntayo ahari mubimenye bana banjye, mubimenye.

Kandi bana banjye nongere mbisubiremo, Rozari, Rozari, Rozari muyivuge, muyivuge, ni intashyo nabahaye, mbahaye kandi ndikubabwira ngo muhore mwiteguye kuko igihe kirageze, kirageze cyo kugira ngo umwe n’undi, umwe n’undi mwongere mubonane amaso imbona nkubone, ndabibabwiye bana banjye. Ndabibabwiye bana banjye aya mezi mugezemo muri kuvuga ngo ni ibisibo abandi ngo ni iki, mwitegure harimo ibintu bikomeye. Bana banjye nkunda nimushikame musenge musabira abana banyu, abatatanye, musabirane, musabire igihugu cyanyu amahoro, mwisabire namwe gutaha amahoro abari hanze, musabire imfungwa, abarengana, abatagira kivurira ariko ndabahebye.

Bana banjye ndanababaye ariko ndanishimye, hari abana banjye bagerageza, bagerageza, bagerageza, mukomeze mukomereze aho. Abalegio ndongeye ndabashimye mukwirakwire hirya no hino kandi mwamamaza Rozari yanjye ndabibashimiye, mukomeze uyu munsi mukomereze aho muri, mwihe amashyi n’impundu kuko murabikwiye, murabikwiye. Namwe bamariyari mwicikamo ibice, mwacitsemo ibice, namwe muri kugerageza, muri kugerageza ariko mwishyiremo agafu, mushyiremo agafu, agafu, murimo irondakoko, murimo irondakoko mubimenye, mugende gahoro gahoro ariko igihe kirageze cyo kugira ngo benshi mukubitwe akanyafu, mugiye kugakubitwa kandi mwatangiye kugakubitwa, ndabibabwiye bana banjye.

Ubu butumwa ntawe bureba, burareba abana banjye hirya no hino ku isi yose, burareba abana banjye banyumva, abo bose burabareba. Ntawe bureba ntihazagire uvuga ngo ntawe bureba hari n’uwo butareba, mwese burabareba. Mwese uyu munsi, uyu munsi wa none mugire umwaka mushya muhire, ndawubifurije muzawurye, ntuzabarye bana banjye. Ndawubifurije bana banjye, mbahaye umugisha wanjye wa kibyeyi, ku izina ry’Imana Data na Mwana na Roho Mutagatifu. Amina.

----------------------------------------------
 
Byishimo

09/10/2020
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 01/01/2018

 
Indirimbo:

Umwamikazi Bikira Mariya uri mu ijuru ku Mana Data.

Bikira Mariya mumukunde mumwiyambaze azabaha byose.

Bikira Mariya waratowe utubyarira umucunguzi Yezu.

Bikira Mariya uri mu ijuru ku Mana Data.

---------------------------------------

Bana banjye uyu munsi wa none ndongeye ndagarutse nje kubasura kuri ino tariki. Uyu munsi wa none, mugire amahoro, mugire amahoro, urukundo rwanjye rubasakaremo.

Mwana wanjye komeza unsuhurize abana banjye aho bari hose hirya no hino ku isi hose n’aho bari hirya no hino muri kino gihugu cyanyu cy’u Rwanda.

Bana banjye uyu munsi wa none mbifurije gushyikirana na njye n’umwana wanjye. Bana banjye indamutso mbaramukije uyu munsi abankunda ni Rozari, ni Rozari n’ishapule y’ububabare mujye mubisozesha ishapule y’Impuhwe z’Imana.

Bana banjye ndongeye mbisubiyemo, murugarijwe, murugarijwe, murugarijwe cyane. Ndababwiye bana banjye mugende muri menge, muhore muri menge kuko mugeze mu bihe bikomeye cyane. Mubigezemo, mubigezemo. Kenshi nakomeje kubabwira kenshi ko mufite intambara ikomeye mu mitima yanyu, niko bimeze, niko bimeze murugarijwe.

Indirimbo:

Tugira igitebwe n’ubute, jya utubwirira Yezu aduhe Roho we tumusangane inkubito idateba

Vugwa Mwamikazi w’ijuru wowe Imana Nyirigira yiremeye, izi ko uzaba nyina w’Umukiza.

-------------------------------------

Bana banjye, nababwiye ko u Rwanda narugendereye kandi ndwicayemo n’umwana wanjye, niko bimeze, niko bimeze. Uyu munsi wa none ndwicayemo, ndi hagati, nakomeje kubabwira ko ndwicayemo ariko kugeza ubu ntawe uzi aho nicaye. Kugeza ubu ndahicaye, ndahicaye, ndurimo hagati, mubimenye.

Bana banjye, ndababaye cyane, ndababaye cyane. Mbabajwe n’abana banjye hirya no hino bakomeje guhohoterwa, benshi bari kwicwa abandi bakomeje kurohwa mu buroko bazira ubusa, abandi bakomeje guhunga igihugu ari mwebwe bahunga bayobozi bakuru. Jye ndabibabwiye bana banjye mubimenye, uwicishije inkota nawe agiye kwicishwa indi. Ndababwiye ko barumuna na barumuna bagiye gusubiranamo, niko bimeze n’ibihugu bigiye gusubiranamo kandi byaratangiye mubimenye. Uyu munsi wa none, mubimenye ndababwiye ko intango yuzuye, yatangiye gusandara, yatangiye gusandara kandi igiye gusandarana byinshi.

Bana banjye, imvura y’amahindu igiye kubanyagira, igiye kubanyagira, muramenye kandi iyo mvura mumenye iyo ariyo. Uwumva yumve iyo mvura y’amahindu iyo ariyo anabimenye. Nongeye kubabwira ngo bana banjye, abana banjye benshi bakomeje kwicwa, bakomeje kwicwa, bakomeje kwicwa. Uyu munsi wa none igihe kirageze cyo guhorerwa, igihe kirageze cyo guhorerwa. Rero ngo mundusha imbaraga, ngo murusha umwana wanjye imbaraga ra, ntazo mumurusha, igihe kirageze cyo guhorera abana be. Kugeza uyu munsi mbasubiriremo muri mu ntambara ikomeye ya bucece, ya bucece, ya bucece mbisubiyemo gatatu, uwumva yumve utumva ni akazi ke.

Bana banjye, u Rwanda ni agahugu kanjye nituriyemo, u Rwanda nababwiye ko ngiye kurwisukurira, niko bimeze rugiye gusukurwa, uwumva yumve kandi hazasigara bake bankunda jye n’umwana wanjye, mubimenye mubimenye, ndabivuze.

Bana banjye bankunda, Rozari n’ishapule y’ububabare mubigire akabando kanyu ko kwicumba k’amanywa n’ijoro kuko benshi muzarokorwa n’ishapule yanjye, ndabibabwiye. Buri gihe cyose nababwiye ko nabasize, narabasize bana banjye, narabasize bana banjye mubyumve neza, utarisiga ni akazi ke, kandi uwo nasize namusize ku mubiri no kuri roho kandi uzajya agira amazi agiye gukaraba ajye ashyiramo amazi y’umugisha kuko aba asukuye cyane, aba asukuye bana banjye mubimenye kuko ntacyo ntababwiye. Narababwiye ngo mumenye ngo ntacyo murabona, ntacyo murabona ariko igihe kirageze cyo kugira ngo mukibone. Mugeze aho kuvuga ngo, ngo ariko igihe bavugiye bigeze he, noneho biraje rero igihe kirageze ntabwo ari cya gihe twakomeje kubabwira dukomeza kubinginga, nta kwinginga kugihari, igihe cyarageze, cyarageze noneho mubimenye, uwumva yumve ndetse. Mvugiye ku mugaragaro ntihazagire uvuga ngo ntacyo navuze, ngo ntacyo yamenye, muramenye, muramenye.

Bana banjye, u Rwanda murugarijwe, murugarijwe kuko nababwiye ko ariho bigomba guhera muri kano gahugu kanyu gatoya nicayemo n’umwana wanjye, impande zose zirugarijwe, impande zose muragoswe mubimenye bana banjye. Muragoswe, muragoswe, muragoswe mubimenye.

Urumve mwana wanjye nawe, usigaye ukerererwana ubutumwa bwanjye. Usigaye ukerererwana ubutumwa bwanjye, nawe kandi nukomeza gutyo ugiye kubihanirwa. Jya ubutanga nkuko nabivuze butangirwe igihe kuko usigaye uri gukererwa cyane. Ndabikubwiye nawe isubireho, isubireho.

Erega bana banjye naravuze benshi dore n’uyu munsi mbabwiyeho hari kugenda benshi, hari kwicwa benshi, hari kurigiswa benshi, ndabibabwiye bana banjye ariko mugira ngo bimwe ntituba tureba, turareba, turareba ubu ni igihe cyo kugira ngo bahorerwe abana banjye, kirageze kirageze. Barumuna na barumuna nababwiye ko bagiye gusubiranamo, basubiranyemo, basubiranyemo, basubiranyemo. Uko mbese mwazanye, mwazanye mwese muri kumwe, muri kumwe? Oya, oya, umwe agiye kumara abandi, umwe agiye kumara abandi, niko bimeze, niko bimeze rero ariko ntabwo abanjye bankunda ndanabakira aho bagiye hose. Kugeza uyu munsi nta wanjye ugiye kuzongera gusubizwa ngo asubire inyuma ngo musubize inyuma aho azaba ageze hose nzaba ndi

kumwe nawe, nzajya mwakira. Nzajya mwakira ndetse ni biba ngombwa mwakire n’ibyangombwa ako kanya nta n’uzamukoraho azajya anyura aho mutegetse. Ibyo byose ndabibabwiye bana banjye. Mwana wanjye narabikweretse, ntacyo ntakweretse ubimenye.

Mwana wanjye, ongera umbwirire abana banjye, uti uyu munsi wa none hari abakomeje kuvuga ngo mbese ngo igihe bavugiye bigeze hehe? Igihe kirageze rero uwasubiye inyuma niyongere atangire ajye imbere andebe jye n’umwana wanjye kuko nitwe gisubizo cyanyu, ndabibabwiye kandi nabahaye umugisha wanjye wa kibyeyi. Uyu mwaka nawubifurijemo amata n’ubuki ariko uzarya bakeya, uzarya bakeya. Nababwiye ngo “Bonne Annee” Nziza, Umwaka Mushya Muhire, Noheli Nziza niko nababwiye none ariko rero kugeza uyu munsi bamwe inzara igiye kubica, bamwe bagiye, eeh! Ntacyo mvuze bana banjye, nimurekere aho.

BY.: Ariko se Mama, ko wakomeje kumbwira ngo igihe kirageze, kirageze, kizagera gihe ki? Oya, wakomeje kumbwira ngo uzananshimisha.

B.M.: None se mwana wanjye wamburanye iki? Ntacyo wabuze, ntacyo wabuze. Kurya urarya, kwambara urambara, no kugeza uyu munsi ntacyo wamburanye. Kora wowe ibyo nkubwiye ibindi ubyihorere, nzajya nkubwira icyo kandi nsigaye nkubwira nakohereza ngo jya aha n’aha ukagenda ufite ubwoba, wigira ubwoba kuko ndi kumwe nawe, ndi kumwe nawe kandi ubutumwa nguhaye bujye butangirwa igihe, ndabikubwiye mwana wanjye.

Indirimbo:

Naje mbasanga bana banjye, naje mbakumbuye bana banjye

Muhumure, muhumure naratsinze nimika urukundo bana banjye.

Kibeho, Kibeho, ntabwo ari umuryango bana banjye ahubwo ni abo nje nsanga bana banjye,

Muhumure, muhumure, muhumure naratsinze nimika urukundo bana banjye.

Kibeho, Kibeho, Kibeho.

------------------------------

Bana banjye, uyu munsi wa none ndishimye. Nshimishijwe n’abana banjye bamwe bakomeje kunyegera, abo ngabo kugeza ubu cyane cyane nshimirira Abalegio, Abalegio mukomereze aho, muhaguruke, muhaguruke mukwire hirya no hino kuko aho mugeze hari abakanguka bagahaguruka bakankurikira bakanyegera hari n’abandi basubira inyuma ariko muhaguruke mukwire hirya no hino kuko muri kumwe na njye. Ngabo zanjye, ngabo zanjye, Abalegio ndabashimira uyu munsi wa none ko mukomeje kunyegera, mukomeje kunyegera, nimukomereze aho kandi uyu munsi wa none mwihe amashyi n’impundu kuko murabikwiye. Ndabibabwiye bana banjye, ndabibasabye bana banjye nimukomeze mukwire hirya no hino mu bana banjye kuko hari benshi muri kugarura kandi bakomeje kuza bansanga.

Muhumure rero bana banjye, ndongeye ndababwira imiryango yose, yose, yose, ari Abakarisimatike, ari Abamariyari namwe Abalegio n’imiryango yose ntavuze, muhagurukire rimwe mupfukamire rimwe, nimusabire igihugu cyanyu ndetse namwe muri hanze musabire igihugu cyanyu kuko kigeze mu mazi abira, kigeze mu mazi abira, mubimenye, mubimenye.

Bana banjye, ndababwiye ngo urugogwe rugiye kubagwa hejuru, rugiye kubagwa hejuru igihe cyarageze, kiranageze, mubyumve. Ndababwiye ndongeye mbasubiriyemo ibihugu n’ibihugu ibintu birabugarije, mwebwe gahugu kanjye nihitiyemo urugarijwe, urugarijwe ariko jyewe ngiye kwishunguriramo inyangamugayo zankoreye zizagasigaramo kandi gatuje ari amahoro. Ntabwo mbwiye u Rwanda gusa ndabwira abana banjye bose bari hirya no hino ku isi yose aho batataniye, ngo mwese muhagurukire rimwe mupfukamire igihugu cyanyu kuko mugeze mu bihe bikomeye, mugisabire kandi musaba namwe gutaha kuko igihe cyanyu kirageze. Nyuma y’ibingibi ndi kubabwira, nyuma y’ibyo nibirangiza kuba mwese mugiye gutonda umurongo mugaruke mu gihugu cyanyu. Ibyo byose ndabibabwiye bana banjye.

Bana banjye nkunda, kugeza uyu munsi ndetse ngiye gukiza, ufite indwara ikomeye muri kino gihe agiye gukira ndetse bigiye gutangira, bigiye gutangira, uzanyegera cyane guhera ku itariki ya 13, guhera kuri 13, guhera kuri 13 hagiye gukira abantu benshi. Narabibabwiye kandi umwana wanjye impano narayimuhaye, narangije kuyimuha, ibyo rero nabyo mubimenye. Narabasize ndabasigiriza kugeza uyu munsi mukomere. mukomere ku rugamba, mukomere ku rugamba bana banjye kuko ntabwo ibingibi benshi bishobora kuba mukirwaye ngo mubabare cyane. Ari urwaye indwara ikomeye, ntazo ntari gukoraho kandi n’ubundi benshi ndi kuzikoraho gusa mwebwe mube maso.

Bana banjye, uyu munsi simvuga byinshi kuko ibyinshi narabibabwiye. Ndongeye ndababwiye ngo hahirwa uwo nasize, hahirwa uwakoze ku mavuta yanjye, guhera uyu munsi wa none ndetse ngiye kongera kuzuza ngiye kongera kubasiga ku mubiri no kuri roho maze roho zanyu zisukurwe, k’uwemera utemera nawe ni akazi ke ariko uwemera arakira ibyo ndabibabwiye bana banjye.

Bana banjye nkunda, hari abana banjye nitoreye kandi bankurikira, hari abana banjye bantegurira abo bose bose mwana wanjye ubambwirire uti mbifurije umwaka mushya muhire, umwaka mushya muhire, umwaka mushya muhire maze muzawurye ntuzabarye bana banjye. Ndi kumwe namwe rero mukomeze, mukomeze munkomereho kandi nanjye mbakomeyeho jye n’umwana wanjye. Uyu munsi wa none umbwirire abana banjye hirya no hino, harimo abana banjye bakwitangiye, harimo ugufasha cyane nawe umubwire uti komereza aho igihe cyo kugira ngo utahe nacyo kigiye kugera, ndabikubwiye mwana wanjye nawe umubwire, mbese ubabwire abo bana banjye bitanga uti nabifurije umwaka mushya muhire, mukomeze muvuge Rozari cyane, muvuge Rozari cyane, muvuge Rozari cyane kandi muvuga ngo dushaka gutaha iwacu, dushaka gutaha iwacu. Kuko igihe kirageze abankunda muzataha mu ba mbere n’ubundi kuko uwa mbere ni uwa mbere, uwa kabiri n’uwa gatatu ndabibabwiye. Nababwiye gatatu gatatu, kane kane, gatanu gatanu, gatandatu gatandatu, musobanure iyo mibare iyo ariyo, ubwo rero hari impamvu, ndabibabwiye bana banjye.

Bana banjye, mbacire umugani: “Umwana wanze kumvira se na nyina yumviye ijeri kandi uwanze kumva ntiyanze no kubona”. Ibyo nabyo mujye mubimenya. Ndongeye ndababwiye ngo: “Umuvumvu yagitse umuzinga usarurwa n’abandi”.

Bayobozi, bategetsi bakuru mukomeje gutoteza abana banjye, muri kwica abana banjye urubozo, namwe igihe cyanyu kigiye kugera, kigiye kugera, mbisubiremo uwicishije inkota azicishwa indi nawe. Ndabibabwiye bana banjye, mvugiye ku mugaragaro, ndavugira muri kano gahugu k’u Rwanda, ndi kuvugira muri uno murwa mukuru, ibyo byose ndabibabwiye bana banjye.

Erega bana banjye muri kurya mwenyine kandi mwazanye n’abandi kandi n’abandi barashonje muri kwikubira, imitungo yose mwayigize iyanyu, mumenye ngo murarundarunda byinshi, mubirundarunde ariko si ibyanyu, ndabibabwiye bana banjye. Murundarunde ariko si ibyanyu n’abandi bari babifite kandi nabo bari abana banjye. Imbaraga nabatije kugira ngo muze mu gihugu nabo nzabatiza izindi, ngiye kuzibatiza ndetse ngiye kuzibatiza nabo, mubyumve ntabwo mwizanye. Nabahaye amahoro, mbaha ituze, mbaha kugira amahoro mu gihugu ariko none abana banjye bandi n’abo mwazanye nabo murabamaze. None kugeza uyu munsi mwanze kwisubiraho ariko igihe kirageze, igihe kirageze, igihe kirageze ntawe uvuga ngo jyewe ndi uyu n’uyu, ndi uyu n’uyu, ndi uyu n’uyu, ubwo rero gutangira kuvuga ngo jyewe ndi uyu n’uyu, igihe cyanyu kirageze kuko ibyo nababujije nibyo mukora, ndababwiye ngo mwakomeje kuvuga ngo jyewe ndi uyu n’uyu, ndi uyu n’uyu muvuga ngo amoko muribeshya cyane, muribeshya cyane mwese muri abana banjye, muri abana banjye. Ese mbese jye ndi uwuhe ra? Nitwa nde? Ubwoko bwanjye ni ubuhe, murabuzi? Nimumbwire. Niba mubuzi rero ngaho namwe mureke gushyiraho amoko ngo jye ndi uyu n’uyu, ngo jye ndi umututsi, ngo jye ndi umuhutu, ngo uriya ni umutwa. Ibyo ntabwo mbyemera, ntabwo mbyemera nta moko nshaka mu gihugu cyanjye, ibyo mu gihugu cyanjye ntabyo nshakamo, nta moko nshaka, mubimenye mwese muri abana banjye, muri bamwe mubyumve mwese muri bamwe.

BY:Yego, yego

BM.:Oya, bana banjye ndabivuze, ndabivuze, ndabivuze ndongeye ndabibabwiye bana banjye. Uwumva yumve, uwumva yumve. Maze wongere umbwirire abana banjye bose bose, abo muri kumwe bose, abo mu Rwanda, mu gihugu, ku isi yose, na none ndabasabye bana banjye muhagurukire riiimwe maze mupfukamire rimwe muvuge Rozari, muvuge ishapule y’Ububabare mubisozeshe ishapule y’Impuhwe z’Imana, kuko ndongeye ndabibasabye.

Dore mwana wanjye usigaye witwaza ngo, ngo wabuze abakwandikira, ngo wabuze abakwandikira, none se wababuze burundu burundu, kandi mfite abana banjye benshi. Oya, oya barahari, barahari kandi nabo ngiye kuzabahemba, ngiye kuzabahemba. None se wababuriye hehe?

BY.: Mama, mbabarira, mbabarira.

BM.: Ufite benshi, niba umwe abuze undi araboneka. Niba undi abuze undi akaboneka, jya ubimenya rero ko mfite abana banjye benshi kandi nahaye ubwenge, banabishoboye kandi bagomba kubishobora kandi nabo bagomba no kubutanga vuba. Jya ubikora kandi niwongera gusiba na rimwe, kwanga kubikora na rimwe nawe uzajya uhita ukubitwa.

BY.: None se Mama, wajya umbabarira ko jye ndi umuntu. Yego jye ndi umuntu.

BM.: Nakubwiye ubushize ngo ntiharenge iminsi itatu none iminsi itatu yararenze none ukavuga ngo jye ndarwaye, ukavuga ngo dore ngo n’umufasha wanjye ngo ararwaye, ubu uri kuvuga iki se kandi ubizi ko ako kanyafu kagomba kubaho. Sinakubwiye ngo n’akaguru kawe nzagasubiraho se?

BY.: None se sinagusabye imbabazi. Yego.

BM. : None se ko utubahirije ibyo nakubwiye ?

BY. : Nzabikora

BM. : Nukomeza uzagera habi

BY. : Mbabarira, mbabarira, mbabarira

BM. : Abana banjye uyu munsi wa none guhera kuri 13 jye abanjye ngiye kubaha akaroza, ngiye kubasiga, ngiye kubagira iroza kuko ni ururabo nkunda cyane. Hahirwa uwo nzasiga, hahirwa uzisiga amavuta yanjye natanze, ayo ariyo yose ni ayanjye, uwo arahirwa cyane, ndabibabwiye bana banjye.

BY. : None se kugeza uyu munsi ko wambwiye, nongere kukubaza ko wambwiye uyu mwaka ushize ko wambwiraga ngo igihe kirageze none dore none n’uyu munsi ngo igihe kirageze, jye ndavuga ngo yabaye kigeze.

BM. : Uri kwifuza ngo kigere se uzi ko wowe uzasigara. Ushobora gusigara kuko nagutumyeho kenshi kandi ufite n’ubutumwa bwinshi, none se abo mwatangiriye rimwe bari hehe ? Nakugize akarorero, nakugize akarorero, nakugize akarorero ndetse k’amahanga kuko uri intumwa yanjye ikomeye, uri umwana wanjye nkunda cyane ndetse n’Umwana wanjye kugeza ubungubu nta munsi n’umwe yarara mutabonanye nanjye nta munsi twarara tutabonanye.

Uvuze ngo ntawe ukwandikira, ngo ntawe ukwandikira, mpamagarira umwana wanjye Epifaniya abwandike, naze abwandike. Ntabwo ari we uzizana ni jyewe uzamuzana kuko namuhaye umugisha, umwana wanjye yamuhaye umugisha, n’urugo rwe ndwicayemo, n’urugo rwe ndwicayemo kandi ntazashidikanya azahita aza, ibyo nabyo ubimenye. Ubwo ni ukuvuga ko igihe bubonetse ujye ujya kwa Gakwandi, nubura Gakwandi ujye uhamagara umwana wanjye Epifaniya, narabikubwiye mwana wanjye niyo mpamvu nakubwiye ngo muhamagare kubera ko ari umwana wanjye nkunda cyane kuko narabivuze kenshi kandi na mbere hose yarabikoraga. Ibyo byose ujye ubivuga kare ntujye udindiza ubutumwa bwanjye. Nujya udindiza ubutumwa bwanjye, jye ndabivuze, abo mvuze kandi ni itegeko ntabwo ari ukuvuga ngo ndinginga, bahawe umugisha, umugisha wanjye narawubahaye. Narawutanze niko bimeze. Umwana wanjye aba abari iruhande.

Bana banjye, bana banjye, abo nkunda kandi munkunda mbagenda imbere n’inyuma, iburyo n’ibumoso, ubuzima bwanyu bwose nibubereho kuduhesha ikuzo muri byose. Ndabibabwiye bana banjye, ndanabibifurije bana banjye. Nyamara bana banjye, mubimenye mbisubiyemo ishyamba si ryeru, ishyamba si ryeru, ishyamba si ryeru. Ndabona ibintu bikomeye nyamara ibyo nababwiye ndabona benshi muri kurundarunda byinshi ariko si ibyanyu, nyamara ndabona nta buye rizasigara rigeretse ku rindi, mubimenye narabibabwiye cyera. Ibyo bintu ngo ni amaetage ngo ni imitamenwa, ibyinshi bizahanantuka, bimwe bizasigara bihagaze nta muntu urimo, ndabibabwiye bana banjye mubimenye, mubimenye. Nongere mbisubiremo aya mezi mugezemo ntabwo ari meza cyane, ndabibabwiye bana banjye mubyumve neza, mubyumve neza, uwumva yumve utumva

nawe ni akazi ke. Nongere mbisubiremo uwumva yumve utumva ni akazi ke. Bana banjye simvuga byinshi cyane, ibyinshi narabibabwiye, uwumva yumve utumva nawe ni akazi ke.

Bana banjye namwe muri hanze, muri hanze, ngo mwitwa impunzi nimupfukame mupfukamire rimwe, ndongeye ndabibabwiye ngo igihe cyanyu cyageze cyo gutaha, kizagera kandi muzataha neza amahoro. Mupfukame, mushikame kuri Rozari muyivuge cyane, muyivuge cyane uko bwije n’uko bucyeye musabira igihugu cyanyu kandi namwe mwisabira ubwanyu kugira ngo musabe amahoro, ibyo ndabibabwiye bana banjye, mubikore, mubikore kandi ubutumwa hari uvuga ngo hari uwo bureba n’uwo butareba mwese burabareba, mwese burabareba, ndabibabwiye bana banjye. Kandi ntacyo nababwiye kitagomba kuzuzwa, narabivuze byose ibyo nababwiye byose ndetse hasigaye akadomo, ntacyo mutari kubona, ntacyo mutari kubona. Namwe mufunze muri kurengana, muri kurengana igihe cyo kurenganurwa kigiye kugera, nimusabe namwe mupfukame musaba amahoro, uwakoze icyaha azakizira utaragikoze azabaho kandi azanavamo amahoro, ibyo ndabibifurije bana banjye kuri uyu munsi kandi uyu mwaka kuri ino tariki ya mbere y’ukwa mbere aribwo ubu butumwa bwanjye busohotse nongeye kubifuriza amahoro. Mugire amahoro bana banjye, ndabibabwiye muri mu gihe gikomeye cyane, ndabizi benshi muri kurengana, muri kurengana ariko igihe cyo kubarenganura kirageze, nimuhumure rero bana banjye.

Bana banjye mbisubiyemo harya ngo uyu munsi ngo muravuga ngo ndi nde ? Nitwa Utasamanywe icyaha, nta cyaha nigeze na rimwe, bamwe ngo ndi umugore nk’abandi, ngo ndi umugore nk’abandi. Muribeshya cyane, ntabwo ndi nkamwe jye nababyariye Umucunguzi, n’uyu munsi ndi kumwe na We, nicaranye na We nta n’ubwo ntandukana na We, ntabwo dutandukana. Bamwe rero ngo mukunda Yezu ngo jye ntabwo munkunda, niko se bana banjye, hari ukunda umwana ngo yange nyina, ibyo se biba hehe ? Murabeshya cyane, muribeshya cyane.

Erega bana banjye simvuze umunsi, simvuze isaha ariko igihe kirageze, kigiye kubasohoreraho mubimenye neza kandi munyumve neza. Nongere mbasubiriremo, ntihazagire uvuga ngo ntacyo yumvise, ntacyo yamenye, ibyo byose mubimenye, mubimenye, mubimenye. Ntabwo mvuga byinshi ndababwira ibi ngibi, ibindi nzabibabwira ubutaha ariko mumenye ko mugeze ku iherezo, mubimenye ko mugeze ku iherezo, ndabibabwiye. Mbahaye umugisha ku izina ry’Imana Data na Mwana na Roho Mutagatifu. Amen.
 
Byishimo

 

 


09/10/2020
0 Poster un commentaire