Ibihe bya nyuma

Ibihe bya nyuma

avril 2014


Ubutumwa Nyagasani Yezu yahaye Byishimo ku tariki ya 26/04/2014



Nyagasani Yezu yaje ababaye cyane ,ari mu rumuli rwinshi cyane ntabona icyo ndugereranya narwo nuko aranyitegereza aransuhuza ati;

Yezu : Uraho Byishimo mwana wanjye ukomeje kwihanganira ibigeragezo byose uhura nabyo. 

Byishimo : Uraho Papa. 

Yezu : Mwana wanjye umeze ute? 

Byishimo : Papa meze neza gahoro nawe urabibona, ingendo mukomeje kunkoresha hirya no hino mu bana bawe, ni nyinshi maze kunanirwa. 

Yezu : Byishimo mwana wanjye zikore, kuko imbaraga urimo gukoresha ntabwo ari izawe, ni izanjye njye n’umubyeyi wanjye; kuko iyo umubyeyi wanjye aguhagurukuje ati; njyenda, njya aha n’aha mu bana banjye, jya uhita ugenda, kuko iyo akubwiye, ntuhite wihuta birambabaza cyane, kuko kenshi na kenshi ubutumwa aguhaye buba bwihutirwa. 

None mwana wanjye ndabona ufite ubwoba, uri guseta ibirenge, vuga byose tukubwiye ntacyo usize nta nicyo wongeyeho,reka gutinya kuko ari njye ubikubwiye, uyu munsi nje ndi umwami w’isi n’ijuru nsa nuri kubabwira ibya mbere na nyuma kuko mwanze kunyumva njye n’umubyeyi wanjye,naravuze ,naravuze ,naravuze, mwanze kumva none akanyafu kabagezeho kandi byaratangiye ndetse birakomeye. 

Mwana wanjye, ongera unsuhurize abana banjye bose, ari abo muri kumwe muri kino gihugu cyanyu ndetse n’abari hirya no hino ku isi yose, uti; nimugire amahoro, nimugire amahoro, nimugire amahoro. 

Bana banjye, ndababaye, ndababaye, ndababaye, mbabajwe na kino gihugu cyanyu cy’u Rwanda, mbabajwe n’abagituye mukomeje kumbabaza. Bayobozi, bategetsi, ba kino gihugu murambabaje cyane, icyo nakomeje kubabwira nta na kimwe mwumvishe, ahubwo ndabona ntacyo bibabwiye. 

Mukomeje gutoteza abana banjye, bamwe benshi bakomeje kurohwa munzu y’imbohe, abandi bakomeje kwicwa urubozo, abandi bakomeje guhunga igihugu arimwe bahunga mwe bayobozi bakuru,mugira ngo simbibona, ndabibabwiye,ndabibabwiye,ndabibabwiye, uwicishijwe inkota nawe niyo agiye kwicishwa. Mu byumve neza ntabwo mvuze kino gihugu gusa mvuze n’abandi bose banyumva bari hirya no hino kuri ino isi, ariko cyane cyane ndabwira kino gihugu cyanyu cy’u Rwanda ari naho ubutumwa bwinshi buri gutangirwa. 

Mwana wanjye babwirire uti; aka gahugu k’u Rwanda nakunze, nicayemo njye n’umubyeyi wanjye, tugiye kukisukurira, uwakoze nabi ahanwe, uwakoze neza ahembwe. Mwana wanjye babwirire ngo iy’isi mutuye ni ikibuga nabaharuriye ngo mu kidagaduriremo, ariko igihe cyo ku kidagaduriramo kirarangiye. 

Bana banjye ubu shitani yabinjiyemo, iri gukorera hirya no hino mu gihugu, ndetse no mu mugi rwa gati, amategeko ari gukoreshwa buno, ni aya shitani. 

Bana banjye b’abanyarwanda murugarijwe, murugarijwe, mwabwiwe byinshi mwanga kunyumva njye n’umubyeyi wanjye, none kababayeho, nongere nsubiremo bayobozi bakuru ntacyo mutumvishe, ntacyo mutumvishe, n’abandi mwese mwumvireho si mvuze isaha si mvuze umunsi, abanjye muhore mwiteguye kuko igihe cyarangiye, sinkomeza kurebera kuko nabihanganiye kenshi uyu munsi nje ndi umwami w’isi n’ijuru , nje kubabwira irya mbere na nyuma, abanjye mwese mwatataniye hirya no hino ari abari mu gihugu ari n’abari hanze mwese ngiye kubabumbira mu gikumba kimwe, mutangire mwisukure mweze imitima yanyu,kuko cya gihe nababwiye kigeze kandi bana banjye ufite amaso yo kureba narebe aho ibintu bigeze, nababwiye umuntu ukomeye ugiye kubavamo mwarabibonye, hagiye gukurikiraho undi wigereranya nanjye, ubwo namwe mwumve icyo catse kuvuga. Naramuhaye ararya yibagirwa n’abandi none igihe kirageze, simvuze byinshi rujindiri rurya ntiruhage igihe kirageze ngo n’abandi barye. 

Byishimo : Papa ko mbona wabivuze urakaye uyu munsi. 

Yezu : Mwana wanjye reba uko nsa uyu munsi, uko undeba uku, niko bimeze witinya kuvuga ibyo nkubwiye byose, kuko mu minsi iri imbere uko uri kundeba nsa niko mu gihugu benshi bagiye kumera . 

Igiti kinini kirumye, nt’amashami gisigaranye, kigiye gukongoka, abumva bumve icyo nashatse kuvuga, mbisubiremo abafite amaso ni barebe, abafite amatwi yo kumva nibumve, kandi abankunda bankomeyeho njye n’umubyeyi wanjye, ni mudukomereho kandi muvuge Rozali cyane y’umubyeyi wanjye kuko ntatandukana na Mama. 

Bana banjye b’abanyarwanda uyu munsi ndabibabwiye, ndabibabwiye mu bimenye kongera kuvuga kwanjye birakomeye, birakomeye, birakomeye. Mbasezeyeho, ngaho mugire amahoro, mbifurije kuzashyikirana nanjye mu Rwanda rushya, mu bihe bishya nagabiwe n’Umwami wanyu I Nyanza. 

Mbahaye umugisha ku Izina ry’Imana Data na Mwana na Roho Mutagatifu. 

 

Source: Forum hiwit


26/06/2014
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU TALIKI YA 26 MATA 2014

UBUTUMWA UMUBYEYI BIKIRA MARIYA YAHAYE BYISHIMO KU TALIKI YA 26 MATA 2014 

Umubyey Bikira Mariya yaje ari mu rumuri rwinshi cyane ababaye, aranyitegereza, aransuhuza ati: 

B.M :Uraho mwana wanjye ukomeje kwihanganira ibigeragezo uhura nabyo. 

Byishimo : Uraho Mama . 

B.M:Mwana wanjye umeze ute? 

Byishimo : Mama meze neza gahoro nawe urabibona. Imibabaro ikomeje kuba myinshi mu mubiri wanjye.Ariko mama, byose ndabyihanganira, kuko ntabyishoboza, ndi kumwe namwe. 

B.M: Mwana wanjye ntacyo urabona, kuko iyo mibabaro uhura nayo, ni iyo abantu benshi bari guhura nayo muri kino gihugu cy’u Rwanda uri guhongerera. Mwana wanjye komeza wihangane, wihanganire byinshi nakubwiye kuko ugikomeje urugendo, ntaho urageza, ariko wihangane kuko ndi kumwe nawe. 

Mwana wanjye ongera unsuhurize abana banjye bose ari abo muri kumwe muri kino gihugu cy’u Rwanda ndetse nabari hanze hirya no hino ku isi, bambwirire uti; uyu munsi wa none mbifurije guhorana nanjye n’umwana wanjye kuko tudatandukana. 

Mwana wanjye bambwirire uti, ndababaye, ndababaye, ndababaye. Mbabajwe cyane na kino gihugu cyanyu cy’u Rwanda, mbabajwe n’abana banjye benshi bakomeje kurigiswa benshi bari gushyirwa mu buroko, abandi bari guhunga igihugu, abandi bari kwicwa urubozo, arimwe mubikora mwe bayobozi bakuru mugira ngo simbibona. 

Ubu rero igihe kirageze cyo kugira ngo Umwana wanjye abahorere. Ubu bana banjye mubimenye, ari abari hanze, ari abari mu gihugu, mwese ngiye kubabumbira mugikumba kimwe kuko mwese muri abana banjye, umwana wanjye agiye kubahana uwakoze neza ahembwe uwakoze nabi ahanwe. Agiye kubereka ko ariwe mwami w’isi n’ijuru, kuko ariwe utegeka. 

Bayobozi bategetsi biy’isi mugiye kubona ko umwana wanjye ariwe mutegetsi wa mwese, bana banjye mpora mbabwira njye numwana wanjye ko igiti kinini cyumye, niko bimeze nta shami gisigaranye na rimwe cyarangije kuma. Mubimenye uwiyita ngo ndi uyu n’uyu ntaho ari. 

Bana banjye uwicishije inkota nawe niyo agiye kwicishwa. Bayobozi bategetsi bakuru mukomeje guhohotera abana banjye, ariko namwe ibyo muri gukora mugiye kubibazwa kuko ibyo mukora ntabwo ari ibikorwa byanyu ni ibya shitani gusa. 

Ubu shitani iri gukorera hirya no hino mu igihugu ndetse nimbere rwagati ,niyo iri kwitegekera, bategetsi nimwembwira, nabasabye kunamura icumu muranga murananira none kababayeho. Narabagaburiye mwanga guhaga none igihe kirageze nabandi ngo mbagaburure. Rujindiri rurya ntiruhage nibyo naruhaye ntabyo ruriye uwo mvuga yiyumve ubu mubimenye kino gihugu tucicayemo njye nu umwana wanjye kandi kugeza ubu ntawe uramenya aho njye n’umwana wanjye twicaye. 

Tubarimo rwagati mubimenye, ubu benshi bagiye gutsembwaho arimwe bazira mwe bayobozi bakuru. Ndabawiye, ndababwiye, ndababwiye, ubu butumwa busa n’ubwa mbere na nyuma ,igiti kinini kirahirimye ntamuzi gisigaranye kigiye guhirimana byinshi. Nigeze kubabwira ko bikomeye ukwezi kwa gatatu, n’u kwa kane kurimo byinshi, ngira ngo abafite amaso mwatangiye kureba, ababona ni mubone muhumure amaso yanyu murebe kure, kuko utarora nawe ni akazike; bana banjye umwana wanze kumva ntiyanze no kubona. 

Imvura ya amahindu igiye kubanyagira murumve namwe imvura mvuga iyo ariyo, nababwiye imiyaga myinsi, mbabwira inkangu hirya no hino, mbabwira imyuzure, ngira ngo byinshi mwarabibonye; ubu rero mugiye kubona byinshi, abana banjye benshi baratashye, ariko abanjye bumva ibyo mbabwira njye n’umwana wanjye bakadukomeraho ntacyo bazaba ,kuko nzaba mbari iruhande. 

Bana banjye uku kwezi kwanjye nimuvuge rozali cyane ni ishapule y’ububabare kuwa kabili no kuwa gatanu, kuko nibyo bizabarokora. Mubikore nkuko mbibifujeho ,kandi nuzavuga ishapule imwe anyiyambaje uwo nzamutabara, ibizabura nzajya mbyiyongereraho, ariko simvuze ngo mureke rozali uwo w’ishapule imwe n’igihe wananiwe kuko nanjye nzaba mbibona. 

Bana banjye mugeze mubihe bya nyuma, mugeze aho umwana arira nyina ntiyumve, mubimenye kino gihe mugezemo kirakomeye cyane, ndabibabwiye, ndabibabwiye uwumva yarumvise utarumvise ni akazi ke kuko nababwiye byinshi ntacyo mutazi. 

Mubimenye umwana wanjye yariyiziye, yabatumyweho intumwa n’abahanuzi, nanjye umubyeyi we nariyiziye, nawe ubwe ariyizira mwanga kutwumva, nimureke rero ibyavunzwe byuzure. Bana banjye mbabwiye ibyo ibindi mubitegereze kuko amazi yarenze inkombe. 

Bana banjye ngaho mubane najye urukundo rwanjye rubakomeze. Ngaho mugire amahoro kandi mugwize andi. Bana banjye uyu munsi wa none mbahaye umugisha wanjye wa kibyeyi. 

 

Forum hiwit


26/06/2014
0 Poster un commentaire