Ibihe bya nyuma

Ibihe bya nyuma

2013


Ubutumwa umubyeyi BIKIRA MARIYA yahaye Byishimo bugenewe u Rwanda n’Isi yose ku tariki ya 27/04/2013.

Umubyeyi BIKIRA MARIYA na Nyagasani YEZU baje bishimye bari mu rumuli rwinshi ntabona icyo ndugereranya narwo, nuko baranyitegereza,baransuhuza bati, mwana wanjye reka tugutume ku Rwanda n’isi yose. 


YEZU: Bana banjye naje ndi urumuli, naje ndi urumuli, naje ndi urumuli,naje ndi urumuli, ariko ntarwo mwakiriye. Bana banjye rero ndabamurikira nti mubona kandi ndabaha ntimwakira nibyo mwakiriye nabyo ntimushimira. Mwisubireho rero bana banjye mujye mumenya ubahaye uwo ari we. Agahugu kanyu k’u Rwanda, igihugu cyanyu cy’u Rwanda naragituye kandi nkicayemo n’umubyeyi wanjye. 


BIKIRA MARIYA: Mwana wanjye ndagutumye bwira Isi yose utibagiwe n’igihugu cyanyu cy’u Rwanda, kuko ndikubona birimo kugenda biganisha mu rwobo. Bibabwire, ubivuge, ubivuge, ubivuge; ngusabye kwicara k’ubutaka butagatifu nibura iminsi 15, kandi abo uzasabira bose bagiye gukira. Naragutoye ntiwantoye, emera ko uri igikoresho cyanjye, mwana wanjye ndi kumwe nawe, ndi kumwe nawe, ndi kumwe nawe, erega mwana wanjye nkugenda imbere n’inyuma iburyo n’ibumoso, ubuzima bwawe bwose nibubereho kuduhesha ikuzo muri byose. 


Kibeho, Kibeho, Kibeho, nubwo mugenda mujya i Kibeho, Kibeho ntabwo ari umurenge, Kibeho ntabwo ari umusozi, Kibeho ni abo mpasanga. Bana banjye ndabakunda, ndabakunda, ndabakunda, ariko mwitegure muhore muri maso kuko cya gihe nababwiye kirageze, kibuzuriyeho. Nababwiye intambara hirya no hino, inzara hirya no hino, imitingito hirya no hino, inkangu hirya no hino, ntacyo mutazi, hari n’ubushwiriri hirya no hino ku muntu mwita ukomeye, kandi byaragaragaye, birahari, ntabyo mutabonye. 


Bana banjye ndabakunda, ndabakunda, ndabakunda, ntihazagira uvuga ngo ntacyo yamenye kandi yarakimenye. Hagiye kuba ikintu gikomeye, muri kino gihugu cyanyu cy’u Rwanda. Bana banjye narabateguje, narabateguje, narabateguje, kandi ndababwiye muri kw’ iherezo, muri kurundarunda byinshi ariko si ibyanyu, igihe kirageze ngo mubyamburwe; mugeze mu gihe cya nyuma gikomeye cy’amaganya, amarira agiye kuba menshi. 
Ndavuze, ndavuze, ndavuze, ndavuze, ndavuze, ndavuze, naje mbasanga bana banjye, naje mbakunze, naje mbakumbuye, muhumure naratsinze nimitse urukundo. Bana banjye nongere mbabwire, ndi kumwe namwe, niyo mpamvu uyu munsi mbabwiye ijambo ryanjye rikomeye, kandi uwumva yumve utumva ni akazi ke, ntacyo azireguza imbere y’Imana Data . 


Narababwiye, narababwiye, narababwiye bana banjye mwanga kwisubiraho, none igihe kirageze cyo kugirango umunyafu ubagereho, ugiye kubageraho, ugiye kubageraho, ugiye kubageraho; kirageze kuko mwanze kumva ibyo nababwiye byose. Naravuze, naravuze, naravuze, ahasigaye rero nimwitegure, nimwitegure bana banjye, ndababwiye imvura y’amahindu igiye kubanyagira, namwe mwumve iyo mvura y’amahindu iyo ariyo. 
Naje mbasanga bana banjye, kandi naje mbakumbuye, ariko abanjye muhumure nimitse urukundo, kandi ndi kumwe namwe bana banjye. Bana banjye ibikomeye biraje kandi birabugarije, igihugu cyose kirugarijwe. 


Mwana wanjye urimo uri kwifuza ngo ugiye hanze, ugiye hanze, banza ujye k’ubutaka butagatifu, upfukame aho usanzwe upfukama, usabe, usabire u Rwanda n’isi yose. Ndabigusabye mwana wanjye, ndabigusabye mwana wanjye, ndabigusabye mwana wanjye , wikwiruka ngo ugiye mu madege ntabwo ibyo biguruka aribyo nagutumye. Kiza abanyarwanda ndetse n’Isi yose, kuko amavuta naguhaye arakomeye kandi agomba gukiza n’isi yose. 
U Rwanda nararusize n’abanyarwanda, abayisize barakomeye cyane, kandi ari gukiza benshi cyane hirya no hino, impande zose, kandi ntacyo ntavuze kitazagaragara . Erega bana banjye mbagenda imbere n’inyuma iburyo n’ibumoso, ubuzima bwanyu bwose, nibubereho kuduhesha ikuzo muri byose. 


Bana banjye ndabakunda, ndabakunda, ndabakunda, bana banjye murugarijwe, intambara hirya no hino, mugiye gukubitwa kubera kutumva kwanyu kw’abanyarwanda, ndabibabwiye, ndabibabwiye, ndabibabwiye, uyu ni umunsi wa nyuma mbibabwira, sinzongera kubibabwira, imvura y’amahindu igiye kubanyagira namwe mwumve iyo mvura iyo ariyo, ariko ntabwo mbwiye u Rwanda gusa ndabwira n’isi yose, abumva bumve. 
Ndavuze, Ndavuze, Ndavuze, mbabwiye ibyo ibindi nzabivuga ubutaha, muramenye sinzabe nyamwisiga ngo nisange, namwe ntimuzabe babura mwaje. Bana banjye ndabibabwiye aho nicaye nta muyaga uzahahungabanya n’agasozi ndiho nta muyaga uzagahungabanya , ndi kumwe namwe kandi abanjye mbakomeyeho, ni ibihe bibi bibugarije, biri imbere nzaba ndi kumwe nabo. Bana banjye mbahaye umugisha ku Izina ry’Imana Data na Mwana na Roho MUtagatifu.

 

Forum Hiwit


29/05/2013
0 Poster un commentaire

Ubutumwa Nyagasani YEZU yahaye Byishimo ku tariki ya 18/04/2013 bugenewe u Rwanda n’isi yose.

Nyagasani YEZU yaje ababaye cyane, ari mu rumuli rwinshi cyane ntabona icyo ndugereranya narwo, nuko aranyitegereza, aransuhuza ati; 


YEZU: Mwana wanjye reka ngutume muri kino gihugu cyanyu cy’u Rwanda ndetse no ku isi yose. 



BYISHIMO: Neretswe amaraso menshi agiye kumeneka muri kino gihugu cyanyu cy’u Rwanda, 


YEZU: Ibi nkweretse mwana wanjye niko bigiye kumera, ndabibabwiye bana banjye, ndabibabwiye bana banjye, nabibabwiye bana banjye isaha n’isaha, umunota n’umunota. 


Ntacyo ntavuze bana banjye, kandi, u Rwanda nararukunze kandi ndwicayemo, ndwicayemo, ndwicayemo, njye n’umubyeyi wanjye. Nje kwisukurira, nje kwisukurira, nje kwisukurira. Bana banjye mbari hafi abankunda njye n’umubyeyi wanjye mbari hafi kandi mbakomeyeho. Ndikumwe namwe bana banjye, ndikumwe namwe bana banjye, ndi kumwe namwe bana banjye, kandi hahirwa uwumva ijambo ryanjye, kandi akarikomeraho. 


Bana banjye nimukomere, nimukomere, nimukomere kuri Rozali y’umubyeyi wanjye niyo izabatsindira Shitani kuko ni intwaro ikomeye cyane. Imvura y’amahindu igiye kubanyagira kandi hazarokoka bake. 


Mwana wanjye nawe wikwirata ngo ugiye kujya hanze ntaburenganzira ndaguha. Ndakubwiye ngo jya gupfukama kubutaka butagatifu, aho nicaye njye n’umubyeyi wanjye, upfukame, upfukamire u Rwanda n’isi yose, ndabigusabye mwana wanjye aho wicaye ujye umenya ko ndi kumwe nawe njye n’umubyeyi wanjye. Kandi amagambo nkubwiye uyavuge, n’ibyo umubyeyi wanjye akubwiye ubivuge maze ugushaka kwanjye n’umubyeyi wanjye gukorwe . 


Mbahaye umugisha ku Izina ry’Imana Data na Mwana na Roho Mutagatifu.

 

Forum Hiwit


29/05/2013
0 Poster un commentaire

Ubutumwa Umubyeyi Bikira Mariya yahaye Byishimo ku I tariki 28/11/2013


Umubyeyi Bikira Mariya yaje ababaye cyane ari mu rumuli rwinshi cyane, ntabona icyo ndugereranya narwo ,nuko aranyitegereza, aransuhuza ati;

B.K: Uraho mwana wanjye ukomeje kwihanganira imibabaro yose uhura nayo.

Byishimo : Uraho Mama.

B.K: Mwana wanjye umeze ute?

Byishimo : Mama meze neza gahoro nanjye urabibona, imibabaro ni myinshi mu mubiri wanjye.

B.K : Mwana wanjye ihangane ukomeze utwaze, kuko kubabara kwawe, hari benshi kurimo gukiza. Mwana wanjye , aho uri komeza usenge ,usengera benshi muri kino gihugu, ndetse n’isi yose, kuko ,nicyo wahamagariwe.

Mwana wanjye ongera unsuhurize abana banjye bose bari hirya no hino uti; nimugire amahoro, ni mugire amahoro, ndayabifurije bana banjye kuko ndi kumwe namwe, nababwiye ko u Rwanda rwicayemo njye n’umwana wanjye niko bimeze kandi ntawe uramenya aho twicaye njye n’umwana wanjye.

Bana banjye, uyu munsi nongere mbasubiriremo kubyo nababwiye, nababwiye ko igiti kinini cyumye nta mashami gisigaranye, niko bimeze ,ureba nashishoze, gisigaye gihagaze cyonyine; bana banjye ibyo nababwiye byose muri kubibona nta na kimwe gisigaye.

Bana banjye ,u Rwanda turwicayemo njye n’umwana wanjye tugiye ku rwisukurira kandi byaratangiye; ntagaruriro mubimenye, aho mwicaye mumenye ko ari njye uhabicaje, ninjye ubabeshejeho nta wundi.

Bana banjye utwo mutunze mujye mwibuka abakene,mubafashe,kuko nuha umukene ninjye uzaba uhaye.Bana banjye nimutange namwe muzahabwa,bana banjye ibikomeye biraje,kandi bizarokoka bake, nta gihe ntababwiye, nta gihe ntababwiye, nta gihe ntababwiye,mu bimenye ntacyo muzireguza imbere y’Imana Data.

Bana banjye, narababuriye, naravuze, umwana wanjye yaravuze, ariko mwanze kumva. Narababwiye kenshi, umwana wanjye arababwira, mbatumaho intumwa n’abahanuzi, ariko nta na kimwe mwumvishe,mwibereye mu tuntu n’utundi.

Bana banjye, mbisubiyemo, murarundarunda byinshi ariko mubimenye ko atari ibyanyu, ntabyo muzarya. Bana banjye, muvuge Rozali yanjye cyane, muyivugane ubwiyoroshye no kwicisha bugufi kandi nimuterwa mugatabaza, nzabatabara; ubwo ndabwira abana banjye bumva ibyo mvuga, kandi bakabishyira mu bikorwa.

Naziye mwebwe, naziye mwebwe, naziye mwebwe abanyarwanda kuko nabonaga hari icyo mukeneye, mbisubiyemo imvura y’amahindu igiye kubanyagira kandi irarokoka bake, murumve namwe iyo mvura mbabwira iyo ariyo.

U Rwanda narabasuye njye n’umwana wanjye, ariko mwanze kutumva ,intango iruzuye igiye gusandara, ubu igihugu cyose muragoswe, impande zose muragoswe, ubu shitani yabinjiyemo irimo iri gukorera ku mugaragaro.

Muririrwa muravuga hirya no hino ngo mufite amahoro ntayo, abana banjye hirya no hino barimo bararira bavuga ngo nimbatabare, igihe rero kirageze cyo kubatabara, kuko unkunda njye n’umwana wanjye ntabwo azakorwa n’isoni. Ubu ndareba kino gihugu cyanyu, nkarira adakama, mbisubiyemo niba ntabyo mubona, nababwiye intambara hirya no hino , mbabwira imyuzure, mbabwira imiyaga , amahindu, inkangu,ibyo byose ntacyo mutabonye, mumenye rero ko ntagisigaye.

Bana banjye mbisubiremo, nimuvuge rero Rozali cyane n’Ishapule y’ububabare, mubivuge mubikuye ku mutima kuko aribyo bigiye kubakiza muri iyi ntambara ibugarije. Bana banjye b’abanyarwanda, mukomeze murye abo nabashinze, benshi mwiyita ngo muri abayobozi ariko mugiye kubiryozwa.

Nababwiye ngo musabane imbabazi, mutange imbabazi murananira, umwana wanjye aje kwisukurira kino gihugu kuko niho yicaye, nababwiye ko muri akarorero k’amahanga, aka gahugu twicayemo, umwana wanjye aje kugasukura maze abari hirya no hino bifuze kukageramo, aje guhana no guhemba uwakoze nabi ahanwe awakoze neza ahebwe, aje kandi ari umwami w’isi n’ijuru.

Bana banjye naje mbasanga naje mbakumbuye ariko mwaranze muntera utwatsi, mureke rero ibyavuzwe byuzuzwe kuko ibyo nababwiye nta na kimwe gisigaye, erega bana banjye aho muri ni munyiyambaze njye n’umwana wanjye, ariko ndabwira abankunda njye n’umwana wanjye kuko abankomeyeho nanjye mbakomeyeho, kuko muri bino bihe bikomeye abankunda abo bo nzabarinda.

Hari abirirwa bavuga ngo barankunda nyamara murabeshya ntabwo munkunda, hari abirirwa bavuga ngo bakunda umwana wanjye Yezu njye bakanyibagirwa, mumenye ko ntawe ukunda umwana ngo yange nyina.

Bana banjye ibihe bikomeye biraje kandi birabugarije kandi bizarokoka bake, bamwe baririrwa bavuga ngo igihe mwavugiye, igihe mwavugiye, ni agahe gato nari nabahaye kugirango ndebe ko mwisubiraho none ndabona ntacyakozwe.

Bana banjye iyo mbabwiye ngo ni mwunamure icumu,bamwe muravuga ngo dukomereze aho,bana banjye b’abanyarwanda nababwiye ngo aho mwicaye , aho muryamye munjye mushobora guhurira ku isengesho nkuko muhurira ku imbehe,ariko ndabona umwe ari ukwe undi ari ukwe.

Bana banjye nongere mbabwire, Kigali we, Kigali we, Kigali we, ndabona ntabuye rigiye gusigara rigeretse ku rindi. Murugarijwe hirya no hino ariko Kigali ni isibaniro kuko ndabona ntabuye rizasigara rigeretse ku rindi, nkuko nabibabwiye, umunyarwanda azashaka kurahura umuriro muri kirometero enye,ntabwo zikiri enye rero,ahubwo zirarenga.

Abantu benshi,baratashye,murumva namwe gutaha icyo aricyo buri wese yisobanurire; ari abari hanze ari abari mugihugu mwese, umwana wanjye agiye kubabumbira mu gikumba kimwe ,kugirango yitoranyirizemo inyangamugayo.

Nababwiye kera, nababwiye kera, naravuze,naravuze, uyu munsi bisa n’ubwa mbere na nyuma, bana banjye umuvuvu yagitse umuzinga usarurwa n’abandi, ibyo muri gupfa byose mugiye kubibura mu bireba, mbisubiyemo hari abakomeje kuvuga ngo dore igihe twababwiriye, mbabwize ukuri urugogwe rugiye kubikubita hejuru muri gushaka amafaranga murarundarunda byinshi ariko si ibyanyu, ntabwo muzabitunga ,mubimenye.

Bayobozi,bategetsi, murakomeza kurya abo muyobora ariko byinshi mugiye kubiryozwa, ntacyo ntababwiye, ndababaye, ndababaye, ndababaye cyane, mbabajwe n’abana banjye benshi bakomeje kurundarundanyirizwa mu nzu zimbohe abandi bakomeje gutoraka igihugu arimwe bahunga mwebwe bayobozi bakuru mugira ngo ibyo byose simbibona, kandi mba narangije kubibona.

Ntacyo ntavuze , ntacyo ntavuze,ntacyo ntababwiye, uwumva yarumvishe utarumvishe nawe ni akazi ke agiye ku bibazwa. Bana banjye aho muri abanjye ndabasaba ngo mwisubireho kuko amazi yarenze inkombe, aho bigeze nta garuriro.

Uyu munsi mbabwiye ibyo kandi mbibabwiye mbabaye kuko ibyo nababwiye nta na kimwe mwumvishe.Bana banjye, mubimenye kuko ibyo twababwiye byose bigiye kuzuzwa nta kadomo na kamwe kagabanutseho,mbisubiyemo kandi ubu butumwa busa n’ubwa mbere na nyuma, ngaho mubane nanjye urukundo rwanjye rubakomeze, ngaho mugire amahoro kandi mugwize andi, bana banjye nkunda kandi mwanyiyeguriye uyu munsi wa none mbahaye inkunga yanjye y’umubyeyi kandi mbahaye umugisha.

 

Forum Hiwit

 


12/12/2013
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITARIKI YA 04/4/2009

Umubyeyi Bikira Mariya yaje yishimye cyane ari mu rumuri rwinshi cyane ntabona icyo ndugereranya narwo, ubwo hari saa cyenda, ndi ku musaraba I Kibeho, anyereka amashapule abiri, imwe y’ububabare indi isanzwe ya rozari. Nuko arnsuhuza, ati : 

B.M. : Uraho mwana wanjye ukomeje kwihanganira ibigeragezo byose uhura nabyo! 

BY. : Uraho Mama! 

B.M. : Mwana wanjye, umeze ute? 

BY.: Mama, meze neza gahoro nawe urabibona, imibabaro ni myinshi mu mubiri wanjye. 

B.M.: Mwana wanjye ihangane kuko ntaho urageza, ariko kandi mwana wanjye uhumure igihe kimwe uzishima. 

BY.: Mama, koko nzishima gihe ki mbona ibyo ukomeje kunyereka bikomeye cyane ntagisinzira? 

B.M.: Mwana wanjye mba nkwereka ngo ubimenye kuko wowe hari icyo urusha abandi. Babara rero ubabarire benshi bari hirya, bari kurengana kandi mwana wanjye ibyo nakweretse, byinshi umaze kubibona. 

Nakweretse amashintani uko akora, nkwereka uko abantu bari kugenda bica abandi ndetse bamwe tukabagutumaho. None rero mwana wanjye ntacyo utazi, ihangane ukomeze ukore ugushaka kwanjye n’umwana manjye. Iyo mibabaro ufite izashira kandi uzishima kandi narabigusezeranyije. 

BY.: Ariko Mama, nubwo mbabaye bwose ariko nzabakorera kandi mbakunde maze hakorwe ugushaka kwanyu. 

B.M.: Mwana wanjye, ongera unsuhurize abantu bose, uti nimugire amahoro, nimugire amahoro, urukundo rwanjye rubasakaremo. 

Bana banjye nimusenge, nimusenge mushikamye kuko ibikomeretsa umutima wanjye ni byinshi, bikomeje kwiyongera hirya no hino muri kino gihugu cyanyu cy’u Rwanda. 

Bana banjye ndababaye, ndababaye, ndababaye cyane kuko nababwiye kera mwanga kumva none ndabona muri kugana inzira yo kurimbuka. 

Bana banjye, rero ibintu birakomeye cyane, hirya no hino ni amatongo. .ni amatongo, ahandi hantu abantu bararigiswa. Ino minsi mugiye kumva imirambo hirya no hino, ni ko bimeze, benshi baricwa. Abumva bumve, nongere mbasubiriremo kandi sibwo bwa mbere nabibabwira nabasabye kunamura icumu muranga, mbasaba gutanga imbabazi muranga none rero bana banjye, mvugiye ku mugaragaro, uwicishije imkota nawe azicishwa indi, uwagize impuhwe nawe azazigirirwa. 

Bana banjye rero, kugeza ubu ibintu birakomeye, imvura nyinshi y’amahindu igiye kubanyagira, benshi igiye kubatembana. Bana banjye kugeza ubu ndasaba abana banjye banyiyeguriye gukoresha intwaro nabateguriye. Bana banjye, nimuhe roho zanyu ituze cyane cyane muzimpe jye Mama wanyu wo mu ijuru ubakunda. 

Bana banjye, kugeza ubu ndasaba abana banjye ko mugomba kwisubiraho kurushaho kubera ko ibikomeretsa umutima wanjye utagira inenge kandi bihakana ubusugi bwanjye buhoraho, ububyeyi bwanjye bw’Imana n’ubw’abantu, bose bavuga ngo ndi umugore nk’abandi. Abo bakomeje kuvuga gutyo baragowe kuko batazi icyo bakora icyo aricyo, kuko iyaba bari bazi icyo bakora banyemera kandi bakemera ko ndi Nyina wa Yezu Kristu. 

Bana banjye, muri ibi bihe bibi bikomeye ndabasaba gukomeza gushyiraho gahunda nyinshi hirya no hino y’amasengesho menshi yo gusana imitima yanyu kuko kugeza ubu mbona ikakaye cyane. Bana banjye, ndababaye cyane, mbabajwe n’ibibi mukomeje gukora kuko iyo mbibonye birambabaza cyane. Ese bana banjye, wica umuntu waramuremye? 

Bana banjye, mushatse mureke kugambanirana kuko igihe kigeze kugira ngo mubazwe ibyo mwakoze byose kandi igihe ni iki murimo ntakindi. Bana banjye, ikwirakwizwa ry’ubugome rikomeje kwerekanwa ku mugaragaro nk’aho ari icyiza cyerekanwa gifitiye abandi akamaro kandi bana banjye, sibwo bwa mbere nabibabwira. Amazi agiye kurenga inkombe dore aho navugiye ngo nimusenge musane imitina yanyu kuko ndababaye. 

Bana banjye, ndababwira ngo nimusenge mukanga kumva ariko noneho mugiye kubibona, kuko nta gisigaye dore aho navugiye ntihazagire uvuga ngo ntacyo yumvise, dore mbivugiye ku mugaragaro. 

Bana banjye naziye mwese, naziye mwebwe mwese Abanyarwandakuko nabonaga hari icyo mukeneye. Nyamara bana banjye igihe kirageze, kibarangiriyeho, utarumvise nasubize amaso inyuma abanze arebe maze ashishoze kugira ngo abanze arebe aho ibihe bigeze. 

Mwana wanjye, nshimirira abo bana banjye bakomeje kuza bansanga, uti ndishimye cyane. Nshimishijwe n’uko mwe mwakomeje kugerageza mutera umwana wanjye inkunga kugira ngo ashobore kubona itike imugeza aho mwohereje hose, uyu munsi wa none ndabashimiye n’umutima wanjye wose. 

Bana banjye, aho muri hose, nimurambure ibiganza byanyu mwakire umugisha wanjye wa kibyeyi: Ingabire y’ubusabane ku Mana, ubudacogora, uguca bugufi n’icyubahiro cya Nyagasani. Ndashimira kandi abana banjye bakomeje kwibabaza bakora ingendo baza bansanga mu Cyicaro cyanjye i Kibeho. Bana banjye, ndabashimira cyane nibura iyaba mwese mwari mumeze gutyo nakwishima cyane, igihugu cyanyu cyagira amahoro kuko kugeza ubuni n’agahenge mufite mwebwe Abanyarwanda ni abo bitanga bemera bakibabaza, ntibarebe ibintu. 

Erega bana banjye iyo hahindutse umwe, ijuru ririshima cyane. Bana banjye nimusenge, nimusenge, nimusenge kandi mumenye ko ibihe murimo ari ibyanyuma. Nyamara bana banjye, ndababwira ukuri uwashaka yakumva kuko navuze kera ahasigaye maze kunanirwa. 

Bana banjye, ndabona benshi ari ba MAYIRA ABIRI, ariko kandi bana banjye usanga umwana wanjye aramwakira ntamusubiza inyuma. Bana banjye, nimukurikire inzira imwe mureke kuba ba MAYIRA ABIRI. Bana banjye mwese uzajya agana umwana wanjye azamwakira kandi uzamusonzera azamwiha. 

Bana banjye, nimusabe abijutishe Ijambo rye. Bana banjye nimuzibure amatwi yanyu mwumve neza. Bana banjye, ndabasaba urukundo bamwe n’abandi kuko aricyo mbifuzaho cya mbere. 

Bana banjye, kuki mundambirwa jye ntarabarambirwa ni ukubera iki? Ni kuki mukunda ibintu kurusha isengesho. Murivuruguta mu by’isi kandi si ibyanyu nk’aho mwakumvise ibyo tubabwira ahubwo muririrwa musakabaka kurusha amasandi. 

Mwana wanjye, komeza ubambwirire, uti mukomeje gutsimbarara ku mitungo ariko ntimuzayitunga. Mwana wanjye, ongera umbwirire n’abo bishushanya bakomeje gutuza imbere nta mutima bafite wo kutugarukira ari ukugira ngo abandi bababone, uti muragowe. Kutuza imbere mwarangiza mukajya gushinja bagenzi banyu ibyo mutahagazeho kuko muri kuganisha mu rwobo. Ese bana banjye, bene nkabo murumva muri kuganisha he? 

Mwana wanjye, bambwirire, uti nimwiyeze imitima yanyu muyihindure mishya kuko kuza imbere y’umwana wanjye umutima wawe urimouburyarya ntacyo uba ukoze. 

Bana banjye, ni kuki mukorera Imana mufite intege nkeya ariko mwakorera Shitani mukagira imbaraga nyinshi mushishikaye n’ubwenge bwanyu bwose kugira ngo mugere kubyo mwifuza byose. bana banjye rero uyu munsi ndabasaba guhagurukira rimwe mukogeza Ivanjili y’umwana wanjye ariko se bana banjye ni kuki mudasenga mushyizeho umwete ni ukubera iki ahubwo mukirirwa mujya impaka mu by’Imana. 

Bana banjye, nimureke impaka mudukurikire kandi mumenye ko bikomeye cyane. Bana banjye, nimwicuze, nimwicuze, nimwicuze inzira zikigendwa kuko ndabona mukomerewe cyane muri kino gihugu cyanyu cy’u Rwanda. Ubu Shitani arinjiye impande zose irabugarije, irakorera ku mugaragaro. 

Bana banjye, ibyo nababwiye byose bigiye kuzuzwa nta kadomo na kamwe kagabanutseho. Bana banjye, ni kuki muhunga Imana mugasanga umuriro? Nyamara bana banjye, reka mbacire umugani: Utegeye isi amaboko ibiganza bye bishyirwaho umuriro. 

Bana banjye, ni kuki mukorera amaso y’isi ntimumenye uwabahaye uwo ariwe. 

Mwana wanjye, ongera ubambwirire, uti kuki mwirobanura kandi mwese muri ab’umubyeyi umwem mwese muva amaraso amwe ni ukubera iki. Ababi n’abeza, abakene n’abakire, mwese muri bamwe, ndabasaba ufite ikintu ajye yibuka mugenzi we kuko ibintu ntabwo ari ibyanyu. 

Mwana wanjye, ongera ubambwirire, uti nta mwiza ubaho kereka Imana yonyine kuko umwiza kuri ino si ni ukora ugushaka kw’Imana kugeza ubu ndabwira abakire bakomeje kwikubira kandi ndahumuriza abakene ko batagomba kwiheba. 

Bana banjye, ndabasaba kumenyana. Ari abakire, ari abakene, ari ababi, ari abeza kuko umwana wanjye nawe yabanaga na bose atarobanuye. Bana banjye ndabasaba ko mutagomba kurambirwa bagenzi banyu kuko Imana nayo itabarambirwa. Bana banjye, ndabasaba ko mugomba gukorera Imana buri gihe atari ukuyibuka mwagezweho n’ibyago. 

Bana banjye ndabamenyesha kandi ko umuntu uzahamagarwa n’uwo natumye akamubwira aho agomba kujya ntiyihute azabona ishyano ikindi kandi bana banjye, ndabamenyesha ko mutagomba kwishingikiriza ubukire bwanyu kuko ibyo mufite byose mubihabwa n’ubuntu bw’Imana. 

Mwana wanjye, ongera ubambwirire, uti ufite ubwenge n’ubuhanga n’ubwiza ni ukora icyo Imana ishaka. Musome Mwene Siraki 3, 11-31. 

Bana banjye nkunda, nimuce bugufi muntege amatwi mbiyigishirize. Bana banjye nimuze mwese mungane mugire ituze kandi muteze amatwi Ijambo mukomeje kugezwaho n’umubyeyi wanyu wo mu ijuru. 

Mwana wanjye, ongera umbwirire abo bakomeje kunangira imitima yabo, bambwirirem uti umwana wanjye arababaye, ababajwe cyane no kutumva kwanyu bw’Abanyarwanda. Bambwirire, uti igihugu mutuye mwagihinduye umwanda, amategeko Imana yabahaye ntimuyakurikiza na busa none umwana wanjye agiye guhana abatigera bamwumva maze abemera bose kandi b’indahemuka barokoke kandi bana banjye ndabasabye buri muntu nqkurikire umwana wanjye vuba. 

Bana banje ndababaye. Bana banjye ndababaye, mbabajwe cyane nuko nta muntu n’umwe witaye ku butumwa mpora mbaha. Abenshi bashishikajwe n’inzira zinyuranye, ntibitaye ku butumwa bw’ijuru, abandi bakomeje inzira ya gihogera izabarimbura. 

Bana banjye, ndababwira ukuri ko ibihano Imana yabageneye biri hafi, biregereje kandi vuba niba mutisubiyeho kababayeho. Bana banjye, nimurekek kugambanirana. Bana banjye mukomeje kuroha bagenzi banyu mu mwobo ariko mwe ntimuzi ibibateganyirijwe. 

Bana banjye, uburyo bwo gutumanaho buhumanya imitima, burahumanya imitima ya benshi. ikwirakwizwa ry’ubugome rikomeje gukorwa ku mugaragaro nk’aho ari ikintu gifitiye abandi akamaro. Abantu hirya no hino bakomeje gushinja bagenzi babo bababeshyera, bagira ngo simbibona kandi mba narangije kubibona mbere y’uko babitegura. Niyo mpamvu uyu munsi nongeye gusaba bana banjye banyiyeguriye kumpa ingufu nyinshi zo guhongerera zimfasha kubaka urukundo, gukumira mbuza ikibi gukwira kuko mbona hirya no hino mu gihugu mwugarijwe ariko benshi barabyina amahoro ntibazi ibibugarije. 

Bana banjye rwose ndabasaba guca bugufi mukagarukira Imana, mukareka gukomeza kumbabaza. 

Mwana wanjye, ongera ubambwirire, uti nta kigombaguhinduka kubyo twababwiye dore mpora mbibabwira, hagiye kuba isukurwa buri muntu abazwe ibyo yakoze. Bana banjye, mwe mwumva ibyo mvuga mwicika intege muvuge Rozari n’Ishapule y’Ububabare, mubisozeshe ishapule y’Impuhwe z’Imana. 

Erega bana banjye ndabakunda. Bana banjyemurebe imyaka maze mu Rwanda rwanyu mbinginga ngo musenge ariko mwanze kumva. Bana banjye muragira ngo ngire nte, ndabahebye. Nimureke ibyavuzwe byuzuzwe. 

Bana banjye, ndababaye, ndababaye kubera u Rwandanakunze none abana banjye benshi bakaba bari kugenda bagana mu rwobo. 

Mwana wanjye, ongera ubambwirire, uti uwemera kwambara ikirezi nikimwizihire. 

Mwana wanjye, ongera ubambwirire, uti uwemera inema y’umwami wacu Yezu Kristu, nanjye mwifurije ihirwe risesuye no gutungaho igihugu ho umunanani. 

Bana banjye, ngaho mubane nanjye, urukundo rwanjye rubakomeze, ngaho mugire amahoro kandi mugwize andi. 

Bana banjye, nzagaruka ubutaha, muramenye sinzabe nyamwisiga ngo nisange namwe kandi ntimuzabe baburamwaje. 

Bana banjye nzagaruka ubutaha, ngaho murakoze murakagira Imana.


28/05/2013
0 Poster un commentaire

UBUTUMWA UMUBYEYI BIKIRA MARIYA YAHAYE BYISHIMO KU ITALIKI YA 01/09/2013

 

http://www.turnbacktogod.com/wp-content/uploads/2012/11/Jesus-Christ-Praying-Wallpapers-08.jpg

 

Nyagasani Yezu yaje ababaye cyane, ari mu rumuli rwinshi cyane ntabona icyo ndugereranya narwo ,nuko aranyitegereza aransuhuza, ati; mwana wanjye reka ngutume ku banyarwanda n’isi yose.

 
Bana banjye b’abanyarwanda ndababaye cyane, ndababaye cyane, mbabajwe n’uko ibyo nababwiye byose ntacyo mwubahirije, none igihe kirageze, igihe kirageze, igihe kirageze, kandi kibuzuriyeho.

 
Ntacyo ntavuze, ntacyo ntavuze, igiti kinini kirumye, amashami yose agishizeho, ubu butumwa busa n’ubwa mbere na nyuma, ndavuze,ndavuze, ndavuze. Nongere mbabwire, igiti kinini kirahirimye, kirumye, amashami yose agishizeho, nta shami na rimwe gisigaranye, ndababwiye igihugu cyose kigiye kuba umuyonga.


Bategetsi, bayobozi, ntacyo ntababwiye, ntacyo muzireguza imbere y’Imana Data, mu Rwanda narabasuye kenshi, narababwiye kenshi mwanga kumva, ntacyo ntavuze mutazi,bategetsi ,bayobozi mugiye no guhura n’akanyafu kuko mwanze kunyumvira, muririrwa muvuga ngo amahoro, ntayahari, ndaje, ndaje, ndaje, nje ndi umwami w’isi ni ijuru.

 
Bana banjye nongere mbisubiremo, ubu butumwa busa n’ubwa mbere na nyuma , unkunda njye n’ umubyeyi wanjye azarokoka, abankunda njye n’umubyeyi wanjye muvuge Rozali kuwa kabiri no kuwa gatanu niyo izabarokora.

 
Iyi tariki muyibuke, muyandike, kimwe cya kane cy’ abanyarwanda kiragiye, umuntu uzaba arokotse agiye kurahura umuriro muri kirometero eshatu cyangwa enye. U Rwanda turwicayemo kandi ntawe uzi aho twicaye. Rujindiri rurya ntiruhage, Rujindiri rurya ntiruhage, Rujindiri rurya ntiruhage, igihe kirageze cyo kugirango n’abandi barye ,ndaje, nje kwiyoborera u Rwanda, nje kwiyoborera u Rwanda, nje kwiyoborera u Rwanda, nje ndi umwami w’isi n’ijuru.


Ndavuze, ndavuze, ndavuze, kandi igihe kirageze, mbabwiye ibyo, ubutumwa bugeze ku ndunduro, ntabwo nzongera kenshi kubisubiramo ,igihe kirageze ukwezi n’uku, igihe murimo ni iki.

 
Mbabwiye ibyo ibindi nzabibabwira ubutaha ngaho mugire amahoro, mugire amahoro, mugire amahoro, mbahaye umugisha ku izina ry’Imana Data na Mwana na Roho Mutagatifu.Amen

 


28/10/2020
0 Poster un commentaire